همس الزكريات

الإثنين 11/ديسمبر/2023 - 12:56 ص

فى ارقى أحياء القاهرة وفى إحدى الڤيلات الجميله فى التجمع الخامس يعيش اسلام الحسينى 37 سنه رجل الأعمال المشهور وزوجته الدكتورة ريهام سالم 29 سنه التى تعمل فى أكبر مستشفى خاص فى القاهرة ومعروفه فى عملها جدا لتفوقها فيه دايما
ولديهم ولد وبنت توأم
عمر وفريده
اربع سنوات
تعيش معهم جدتهم أم والدهم واسمها سهير

تزوج اسلام من ريهام من حوالى خمس سنوات وكان مجرد زواج تقليدى وبالمعنى الأصح زواج صالونات وبعد فترة نبت الحب بينهم

اسلام مسك موبيله وقام بالاتصال على زوجته ليطمأن عليها

اسلام صباح الخير يا روحى

ريهام صباح النور يا حبيبى

اسلام ايه كان عندك نبطشيه ولا ايه فى المستشفى

ريهام اه يا حبيبى النهارده الاتنين انت نسيت ولا ايه

اسلام اه صحيح معلش حبيبتى اصلى جيت تعبان اوى من الشغل امبارح ونمت زى القتيل وما حستش بيكى خالص لما نزلتى

ريهام انا فعلا شوفتك نايم تعبان علشان كده مردتش اصحيك قبل ما انزل

اسلام تسلميلى يا قمر

هاتيجى امتى وانا اعدى عليكى واجيلك على المستشفى ونروح سوا

ريهام ابتسمت وقالت انا كلها ساعه واحده وارجع لانى هلكانه وكان عندى عمليه كبيرة ويادوبك لسه مخلصه انا هارجع لوحدى خليك انت يا حبيبى علشان ما تتأخرش على شركتك

اسلام رد وقال ماشى يا حبيبتى يالا سلام

قام اسلام من السرير ودخل على الحمام وخد شور وخرج ولبس هدومه ونزل على تحت على طول

اسلام بابتسامه كلها حب وحنيه بص لوالدته وقال صباح الخير يا ست الكل عامله ايه يا حبيبتى

سهير والدته ردت وقالت صباح النور يا حبيبى والحمد لله بخير يا ابنى انت اللى عامل ايه يا حبيبى

اسلام رد وقال الحمد لله يا حبيبتى انتى اخبارك ايه واخبار صحتك ايه

الام الحمد لله يا ابنى نشكر ربنا على كل شىء وادينى ماشيه على العلاج بتاعى لنا اشوف هايعمل نتيجه ولا لا المرة دى

شويه ونزل عمر وفريده مع المربيه بتاعتهم واول لما عمر شاف باباه ساب ايد المربيه وجرى عليه وقال باااابى

اسلام فتح ايده الاتنين وابتسم وشاله وقال اهلاااا عمورة عامل ايه يا قرد

عمر بيضحك لأسلام وقال كويس يا بابى ونزل من رجله بسرعه وراح لجدته لكن فريده راحت لباباها جرى

الجده خدته فى حضنها وباسته واديته للمربيه علشان تفطره هو واخته وتطلب من الشغاله انها تجهز الفطار لاسلام بيه

المربيه ردت وقالت تحت امرك يا سهير هانم

اسلام رد وقال لا يا ماما مش هاقدر افطر عندى شغل كتير واجتماع مهم بدرى ولازم اكون هناك قبل الكل

الام ربنا معاك يا حبيبى ويقويك ويوفقك دايما

اسلام ما اتحرمش منك ابدا يا حبيبتى ولا من الدعوات الحلوة دى

الام بقولك يا اسلام
اختك هند جايه النهارده هى وعيالها يقضوا اليوم كله معانا ما تتأخرش علشان نفسها تشوفك بقالها كام يوم
وابقى هات صلاح جوزها معاك وانت جاى علشان نتغدى كلنا مع بعض وتكون كمان ريهام جت من شغلها

اسلام رد وقال حاضر يا امى وهند فعلا وحشانى هى والعيال

هند بتكون أخته الوحيده وعندها 30 سنه وكان صلاح جوزها وفى نفس الوقت ابن عمها وكانوا بيحبوا بعض جدا من وهما صغيرين
وكان عندهم بنتين هنا والاء
هنا اربع سنين والاء سنتين

*****************

خرج اسلام بعد ما خد مفاتيح عربيته وبعض الملفات المهمه علشان الاجتماع وركب العربيه وراح على الشركه

نزل من العربيه اودام مبنى كبير و ضخم ودخل والكل كان بيرحب بيه وهو يا دوبك يلقى التحيه عليهم بنظره عينيه
وهو طالع شاف شخص واقف اودام الاسانسير وعرف أنه صلاح ابن عمه فقرب منه وسلم عليه
صلاح برضه ليه جزء كبير من الاسهم فى الشركه
وكان هو واسلام زمايل مع بعض فى كليه التجارة وبيحبوا بعض جدا واسلام بيعتبر صلاح اخوه وجوز أخته الوحيده وابن عمه فى نفس الوقت ودراعه اليمين فى الشركه
واهل صلاح عايشين فى الصعيد وبيروحوا كلهم يزروهم كل فترة

سلموا على بعض وركبوا الاسانسير وطلعوا بيه على فوق

فى حجرة فى فندق كان جاسر بدأ يفوق من نومه ومن حلمه اللى ملازمه بقاله فترة وبيحلمه على طول فنزل من السرير ودخل خدش شور وبدأ يجهز شنتطه علشان ينزل على القاهرة

ريهام كانت فى المستشفى وكان التعب والارهاق باين على وشها

احلام الممرضه بصتلها باستغراب وقالت مالك يا دكتورة ريهام شكلك تعبان اوى ومرهقه

ريهام بتعب ردت وقالت ابدا يا احلام شويه إرهاق من قله النوم والشغل ولما اروح واستريح وانام هاكون كويسه متقلقيش

احلام بتأثر ردت وقالت ان شاء الله يا دكتورة ربنا يشفيكى ويخليكى لكل الناس اللى بتحبك مش عاوزة منى حاجه قبل ما اروح على البيت ؟

ريهام ردت وقالت شكرا يا احلام المهم خليكى عشر دقايق دقايق بالضبط وانا اروحك فى سكتى بالعربيه زمان المواصلات زحمه

احلام ردت وقالت شكرا يا دكتورة ريهام مش عاوزة اتعبك معايا انا هاركب المواصلات زى كل يوم ربنا يخليكى يا حبيبتى

ريهام ماشى يا احلام اللى تشوفيه وروحى انتى علشان ما تتأخريش على عيالك
بقولك يا احلام الدكتورة سحر جت النهارده المستشفى ولا لا ؟

احلام ردت وقالت الظاهر كده لا يا دكتورة ريهام ما شفتهاش خالص النهارده تحبى اروح اشوفها لحضرتك

ريهام لااا خلاص يا احلام روحى انتى علشان ما تتأخريش اكتر من كده وانا نازله من المستشفى هاروحلها اوضه مكتبها

احلام ردت وقالت حاضر يا افندم هامشى انا بقى واشوف وشك على خير بمرة باذن الله

( احلام بتكون ممرضه فى المستشفى وبتحب الدكتورة ريهام جدا وريهام بتحاول دايما تساعدها علشان ظروفها الصعبه )

ريهام دخلت وغيرت هدومها وخدت شنتطها ونزلت من المستشفى ونسيت تعدى على الدكتورة سحر وركبت عربيتها ورجعت على البيت على طول
وريهام اول لما وصلت البيت دخلت وسلمت على حماتها بكل حب واحترام

ريهام صباح الخير يا ماما اخبارك ايه يا حبيبتى

سهير حماتها ابتسمت وقالت صباح النور يا حبيبتى وانا كويسه الحمد لله المهم
انتى اللى عامله ايه يا بنتى شكلك مرهقه اوى

ريهام والله يا ماما هلكانه وتعبانه من كتر الشغل وهاطلع اخد دوش دافى وانام شويه وبصت يمين وشمال وقالت اومال فين الاولاد يا ماما مش شيفاهم يعنى ؟

سهير ردت وقالت فوق يا حبيبتى مع المربيه بتاعتهم كانت بتغير لهم لبسهم بعد ما فطرتهم

ريهام ماشى يا حبيبتى استأذنك انا واطلع انام علشان استريح شويه

الام اطلعى يا حبيبتى ربنا معاكى ويقدرك على اد تعبك مع الناس فى المستشفى ومساعدتك ليهم

ريهام طلعت على فوق وقبل ما تدخل اوضتها دخلت اوضه عيالها علشان تطمن عليهم

ريهام اول لما دخلت جريوا عليها هما الاتنين وفضلوا يحضنوا فيها ويبوسوها

ريهام حابيبى اللى وحشنى عاملين ايه

فريده الحمد لله يا مامى
عمر حلو يا مامى
ريهام فضلت تتكلم معاهم شويه واطمنت عليهم من المربيه وسابتهم معاها وراحت على اوضتها

اول لما دخلت رمت شنتطها على السرير وبدأت تغير هدومها
شويه تليفونها رن وكانت اختها منه هى اللى بتتصل عليها

ريهام ابتسمت وقالت يا صباح الخير على العالم اللى صاحيه بدرى كده ازيك يا منه وازى بابا وماما

منه ابتسمت وقالت صباح النور يا هومه ياللى قفشانى دايما
والحاج والحاجه كويسين وبيسلموا عليكى
المهم انتى عامله ايه يا قمر وحشانى

ريهام ايه ده هومه وكمان قمر استر يارب يبقى كده الموضوع كبيييير
انطقى وقولى عاوزة ايه علشان اختك تعبانه ولسه راجعه من المستشفى وعاوزة انام

منه ضحكت اوى وقالت ااااه يا اختى يا اللى دايما فهمانى انتى وفقصانى

ريهام بضحك ردت وقالت انجزى يا منه انا تعبانه ومش قدرالك دلوقتى انطقى وقولى فى ايه ؟؟

منه ردت وقالت الصراحه يا هومه يا قمر كنت عاوزة اطلب حاجه من بابا وعارفه أنه مش هايرضى
بس لو انتى اللى كلمتيه مش هايرفضلك طلب وانا قولت اكلمك واقولك

ريهام ابتسمت وقالت وطلب ايه اللى انتى عوزاه من بابا يا فصيحه انطى واخلصى !!

منه كان عندى رحله تبع الكليه اربع ايام فى شرم الشيخ شباب وبنات وكان نفسى اروحها اوى مع زميلى

ريهام اه قولتيلى شباب وبنات🤔
طيب ما انتى عارفه ان بابا رافض فكرة الاختلاط دى وهايرفض لو حتى انا اللى كلمته وطلبت منه انه يوافق

منه بحزن ردت وقالت وحياتى عندك يا ريهام كلميه وقوليله وشوفى هايقولك ايه علشان خاطرى وحيات عمر وفريده

ريهام حاضر يا ستى هانام دلوقتى ولما اصحى هاكلمه حاضر بطلى زن ويالا اقفلى بقى علشان تعبانه اوى والله يا منووون

منه بفرحه ردت وقالت حبيبتى ما اتحرمش منك ابدا يا قلبى بوسيلى عمر وروح قلبى فريده اووووى يالا سلام

ريهام قفلت معاها وسابت الموبيل على التسرحه ودخلت على الحمام وخدت شور دافىء ولبست هدومها وخرجت وسرحت شعرها ونامت على سريرها على طول زى الفسيخه وراحت فى سابع نومه من كتر التعب

عدى تلت ساعات وهند كانت جت بعيالها وسلمت على مامتها وفضلوا يتكلموا مع بعض شويه لحد ما ريهام صحيت من نومها وغيرت لبسها ونزلت على تحت واتفاجأت بوجود هند وعيالها ورحبت بيها وقالت اهلا هنوده وحشانى اوى يا حبيبتى اخبارك ايه طمنينى

هند ازيك يا قلبى انا الحمد لله بخير انتى اخبارك ايه واخبار شغلك ايه والمرضى بتوعك ؟

ريهام هلكانه ومطحونه والله يا هند بس اعمل ايه شغلنا صعب جدا وانتى عارفه بقى انا يعتبر شايله المستشفى كلها فوق راسى

هند ردت وقالت عارفه والله ربنا معاكى يا حبيبتى
اريح حاجه انى مش بشتغل ده انا كفايه عليا طلبات العيال دى هى وابوهم

ريهام ربنا يخليهم يا حبيبتى انا هاقوم على المطبخ و اشوف اخبار الغدا ايه

هند طب استنى اجى معاكى ونشوف لو حاجه ناقصه نعملها

وفعلا دخلوا المطبخ هما الاتنين وكان الشغالين متبلين اللحمه والفراخ والكفته لذوم الشوى وجهزوا كل السلطات وعملوا الحلويات والعصاير كمان

ريهام بصتلهم وقالت طب كويس اوى برافو عليكم ده انتم مخلصين كل حاجه اهو يادوبك فاضل الشوى

هند بصتلها وقالت تمام كده بدام هما مخلصين كل شىء تعالى بقى نروح نقعد مع ماما شويه انا وانتى اصلكم وحشنى جدا جداااا
وفعلا خرجت ريهام وهند من المطبخ وراحوا قعدوا مع سهير

عدى كذا ساعه والعصر كان هأيذن ودى فترة الغداء فى الشركه

دخل صلاح على اسلام اللى كان مشغول فى الشغل اوى بعد ما خلصوا الاجتماع المهم واللى على أساسه هايكونوا مشغولين جدا الفترة الجايه وهايسافر اسلام لاستيراد بعض الأجهزة الرياضيه من بره

صلاح بص باستغراب وقال انت لسه ماسك الملف ده يا عم انت ولا ايه!! انتم مش هاتغدونى النهارده انا مېت من الجوووع

اسلام بصله باستغراب وقال لسه بدرى يا عم على ميعاد الغداء انت مستعجل على ايه بس هى الساعه كام دلوقتى يا بنى ادم انت

صلاح بغيظ بصله وقال الساعه داخله على اربعه يا استاذ وانا بطنى بتصوصو وبتقولكم حرام عليكم يا عاااالم جوعتونى

اسلام باستغراب ضحك وقال ياااه اربعه تصدق انا قولت الساعه تجيلها واحدا او اتنين بالكتير متخيلتش ابدا انها اربعه دى خالص

صلاح انت لسه هاتقولى تخيلت ومش تخيلت انجز يالا يا عم عاوز أكل جعاااان

اسلام قام من على كرسى مكتبه وشال بعض الملفات فى الدرج وخد جاكيت البدله اللى كان حطه فى ضهر الكرسى ولبسه وقال يالا يا فاضحنى دايما وانا هاغديك
صلاح فرح وقال احمدك يااااارب
فضلوا يضحكوا على كلام صلاح هما الاتنين ونزلوا فى الاسانسير وكل واحد ركب عربيته وراحوا على الفيلا

اول لما وصلوا كان الكل فى الجنينه ومجهزين تربيزة كبيرة للغدا والأطفال بيلعبوا وبيجروا فى كل مكان
وسحير وريهام وهند قاعدين بيتكلموا مع بعضهم
اسلام بصلهم وقال مساء الخير عليكم جميعا وقرب من هند وحضنها وباسها وقرب من والدته وباس راسها وسلم على ريهام
والاطفال كل واحد منهم جرى على باباه وحضنه هنا والاء جريوا على صلاح
وعمر وفريده جريوا على اسلام

وقامت ريهام وهند يجهزوا فى الاطباق لانهم عارفين انهم اكيد جعانين وصلاح هايبهدل الدنيا لو الاكل اتأخر عن كده

واتجمعوا كلهم على السفرة والأطفال كمان وبدؤوا يكلوا وكان الاكل عبارة عن جميع انواع المشويات والسلطات
صلاح اول لما شاف السفرة والاكل اللى عليها قال الله الله على الريحه الحلوة دى والأكل اللى يفتح النفس

اسلام بضحك بصله وقال يا ابنى استهدى بالله كده و سمى وكل وانت ساكت
هند بصت لاخوها وردت وقالت هو كده دايما يا اسلام مش بيستحمل الجوع خالص وفاضحنى معاه
صلاح بيمثل الحزن وبصلها وقال ده انا غلباااااااااان
الكل فضل يضحك على كلام صلاح وبدؤا الاكل
وشويه وخلصوا غداهم وكلوا الحلو كمان وقعدوا يتكلموا كلهم مع بعض فى جو عائلى جميل
ريهام موبيلها رن وكانت منه اللى بتتصل بيها واول لما ريهام شافت اسم منه افتكرت على طول موضوع الرحله بتاعه الجامعه واستأذنت علشان تقوم وتكلمها

ريهام ردت وقالت ايوا يا ذنانه هانم مش صابرة يعنى لما ارد عليكى يا بنتى

منه سامحينى يا هومه انا قولت اكيد انتى هاتنسى زى عاويدك وقولت افكرك مش اكتر

ريهام طيب اقفلى يا ظريفه وانا هاكلم بابا واشوف اخرتها معاكى ايه انتى والرحله بتاعتك دى

الحلقه الثانيه
روايه / همس الذكريات
بقلم / سحر فرج

ريهام قامت علشان ترد على اختها وبعد ما قفلت معاها طلعت رقم باباها واتصلت عليه على طول

ريهام السلام عليكم
حبيبى اللى وحشنى
عامل ايه يا بابا ؟
الاب الدكتوره ريهام بنتى حبيبتى
عامله ايه يا قلبى
انا كويس الحمد لله يا قلب ابوكى
اذيك انتى وازى عمر وفريده حبايبى اللى وحشنى اوى
ريهام وانت والله يا بابا انت وماما وحشنى اوى اوى
مستنيه يوم الجمعه يجى علشان أجلكم انا واسلام ونقضى اليوم كله معاكم
الاب تنوروا يا حبيبتى
ريهام بتردد قالت كنت عاوزة حضرتك فى طلب كده يا بابا وياريت ما تكسفنيش

الاب باستغراب رد وقال عيونى ليكى يا دكتورة ريهام خير يا بنتى فى ايه يا حبيبتى !!

ريهام الصراحه يا بابا منه اختى هى اللى عاوزة مش انا

الاب منه طيب ليه هى ما طلبتش منى من غير ما تقولك وتزهجك معاها

ريهام هى عارفه غلاوتى عندك يا حبيبى وعارفه انك مش بترضى تزعلنى ولا هاتكسفنى فى اللى هى عوزاه من حضرتك علشان كده خلتنى انا اكلم حضرتك بالنيابه عنها

الاب خير يا ريهام منه عاوزة ايه يا حبيبتى وموسطاكى فى ايه اصل انا عارفها كويس اوى ؟؟

ريهام منه يا بابا عندها رحله تبع الكليه فى شرم الشيخ اربع ايام والطلبه كلهم هايروحوا مع بعض

الاب رحله والكليه والطلبه وشرم الشيخ كمان واربع ايام
يرضيكى انتى يعنى يا ريهام اللى هى عوزاه ده البنت دى مش عارف طالعه كده لمين انتى اهو عمرك ما طلبتى منى طلب زى كده طول حياتك ولا عمرك زعلتينى فى اى تصرف ليكى

ريهام يا بابا بدام حضرتك واثق فى منه وفى تربيتها وعارف انها هاتقدر تحافظ على نفسها ليه لا
ليه ما تخلهاش تحس هى بالثقه دى وتخليها تحس انها ادها واودود وبعدين الزمن بقى غير الزمن

الاب بس يا ريهام انا بخاف عليها يا بنتى
منه طايشه ومجنونه وغيرك انتى يا ريهام
انتى كنتى فى حالك طول فترة الكليه وعمرك ما طلبت منى الطلبات الغريبه اللى هى بتطلبها منى دى

ريهام كل سن وله حياته يا بابا وانا عارفه ومتاكده أن منه شاطره وهاتقدر تخلى بالها من نفسها حتى ولو فى وسط مليون شاب
المهم حضرتك توافق وما تكسفنيش معاها بقى
ولا عاوز تكسفنى يا حاج سالم مع منه 🤔

الاب خلاص يا ريهام يا بنتى علشان خاطرك انتى بس وانا هأكد عليها انها تخلى بالها من نفسها طول ما هى بعيد عننا انتى عارفه غلاوتك عندى اد ايه ومش هاتهونى عليا برضه

ريهام ربنا يخليك لينا يا حبيبى انت وماما ويبارك فى عمركم
لو سمحت بقى ادينى ماما اسلم عليها واسمع صوتها
الاب حاضر يا دكتورة ثوانى اشوفها خلصت الصلاه ولا لسه
انتى عارفه انها بتقعد كتير فى الصلى عقبال لما تخلص كأنها بتصلى التراويح فى الشهر الكريم
اديها جت اهى على السيرة خدى معاكى اهى يا حبيبتى

الام اهلا يا هومه يا حبيبتى
عامله ايه يا قلبى
وازى كابتن عمر وفريده
كده مش بتسئلوا عليا باقلكم يومين بحالهم يا ريهام

ريهام حبيبتى يا ست الكل ڠصب عنى والله يا ماما هو انا اقدر ما أسألش عنك والله كنت مشغوله جدا فى المستشفى الكام يوم اللى فاتوا دول وكذا عمليه لحد ما تعبت اوى اليومين دول

الام ربنا يقويكى يا حبيبتى ويحبب فيكى خلقه ويديكى على اد تعبك مع الناس التعبانه دى ويشفى كل مريض
ازى عمر وفريده حبايبى؟ وازى اسلام ؟

ريهام تمام والله يا ماما بيسلموا على حضرتك كلهم

الام الله يسلمكم يا حبيبتى سلمى عليهم وعلى جوزك وعلى الحاجه سهير

ريهام حاضر يا ماما
يالا سلام
خلصت ريهام مكالمتها مع باباها ومامتها وراحت لضيوفها علشان يكملوا سهرتهم

نزلت ريهام والكل كان بيتكلم مع بعضه
اسلام وصلاح وهند ومامتها واللى شاركتهم ريهام بالكلام
وكانوا بيتكلموا عن الشركه وعن سفر اسلام كمان اسبوع لامريكا
علشان يتعاقد ويتفق مع المصدرين اللى هناك

خلصت ليلتهم وروح صلاح ومراته هند وعيالهم على شقتهم
والام راحت على اوضتها علشان ميعاد علاجها
ريهام واسلام دخلوا على اوضتهم مع بعض بعد ما اطمنوا على عمر و فريده أنهم فى سابع نومه وان المربيه كمان نامت معاهم

اسلام بصلها بكل شوق وقال اخيرا يا حبيبتى بقينا لوحدنا وحشتينى اوى اوى اوووى

ريهام بخجل ردت وقالت وانت كمان وحشتنى اوى اوى يا حبيبى

اسلام يااااه يا حبيبتى بحب اسمعها منك اوى الكلمه دى

ريهام علشان بتكون طالعه من قلبى يا حبيبى فاكيد بتحس بيها وبشوقى ليك كمان

اسلام مش اكتر منى يا قلبى

ريهام طيب عن اذنك بقى هاروح اخد شاور فى السريع كده وارجعلك على طول

اسلام ماشى يا حبيبتى فى السريع وتجيلى علشان عاوز اقولك على حاجه مهمه اوى اوووى على فكرة😉

ريهام ابتسمت وردت وقالت ماشى يا عمرى خمس دقايق بالكتير واكون معاك
وفعلا دخلت ريهام وخدت معاها قميص النوم اللى بيحبه اسلام علشان تلبسه بعد الشور وبعد كام دقيقه كانت خلصت ريهام و فتحت باب الحمام واتفاجأت من اللى شافته
ريهام قربت من السرير وشافت اسلام لابس تيشيرت كت وشورت بس للاسف فى سابع نومه

ريهام قربت منه ولمست شعره بايديها وبصوت كله رقه قالت اسلام اسلام
لكن اسلام مش سامع حاجه خالص وراح فى النوم من كتر التعب والمجود بتاع الشغل
وده اللى خلاها تمسك الخوداديه اللى جنبه ورمتها عليه وهو نايم وقالت
قال هاقولك على حاجه مهمه قال يا استاذ😏

راحت غيرت تانى ولبست بيچامه للنوم وسرحت شعرها ونامت جنبه

وفى مكان تانى عند صلاح فى شقته وبالتحديد فى اوضه نومه كان الموضوع حاجه تانيه خالص

صلاح كان نايم على السرير ولابس شورت وبقيت جسمه عريان وكان مستنى هند ترجع بعد ما تنوم العيال وترجع ليه على ڼار

اخيرا العيال نامت وقامت هند بشويش من جنبهم وراحت على اوضتها
دخلت وقفلت الباب بشويش وابتسمت لصلاح اللى كان قاعد على السرير ومستنيها ترجع بفروغ الصبر

هند ابتسمت وقالت اخيرا ناموا يا صلاح وجتلك على طول معلش اتاخرت عليك بس اعمل ايه فى بناتك يا حبيبى

صلاح بكل شوق بصلها ورد وقال عيون حبيبك وقلب حبيبك يا حياتى وباسها فى خدها

هند ردت وقالت طيب اصبر طيب لحد ما اقلع الروب واحط البرفان اللى بتحبه يا روحى

صلاح استنى ايه انتى كده زى القمر يا حبيبتى وعجبانى اوى اووى اوووى
قام صلاح ووقف اودمها وخدها فى حضنه وبدأ ېلمس كل منحنيات جسمها وده اللى خلى هند تدوب من اول لمسه
صلاح قرب من شفايفها وبدأ ېلمس خدودها وقرب اوى وحس بيها وبرجفه جسمها منه ومن لمساته وكأنها اول مرة تكون بين أيديه وده اللى خلى صلاح يبوسها بوسه طويله اوى اوووى تدل على حبه وعشقه وشوقه ليها وأد ايه كانت وحشاه جدا وخدها على السرير وراحوا فى عالمهم الخاص
________________________

طلعت شمس يوم جديد واللى اشرقت ونورت اوضه حازم الكومى اللى فتح عينه على موبيله اللى بيرن

حازم بصوت منعوس من النوم مسك موبيله وعرف مين اللى بيتصل

حازم الوووو يا منه

منه ايه ده انت لسه نايم ولا ايه يا حازم اصحى كده وفوق وتعلالى على الكليه بسرعه عندى ليك مفاجاه حلوة اوووى

حازم مفاجاه ايه بس يا منه قوليلى دلوقتى عاوز انام

منه لا مش هقولك قوم كده وفوق وغير هدومك والبس وتعال على طول هتلاقينى فى الكافيتريا
اخلص بقى وتعال يالا مستنياك

حازم اوك يا حبيبتى مسافه السكه واكون عندك

قام حازم من سريره ودخل على الحمام وخد شور سريع وخرج
لبس هدومه وحط برفانه واخد مفاتيح عربيته وموبيله ونزل على تحت

حازم صباح الخير يا ماما

الام صباح الخير يا حبيبى صاحى بدرى ليه عندك محاضرات ولا ايه بدرى

حازم اه يا ماما عندى محاضرة مهمه ولازم احضرها وانتى صاحيه بدرى ليه انتى كمان

الام اخوك جاسر جاى النهارده من ألمانيا خلص الشغل اللى كان رايح ليه هناك

حازم بجد ده انا قولت هايقعد هناك شهر تانى ولا حاجه علشان يلحق يخلص شغله اللى مسافر ليه

الام ما انا كنت مفكرة كده برضه بس اتصل بيا باليل بعد ما انت نمت وقالى أنه راجع على الظهر كده

حازم ماشى يا ماما هامشى انا بقى واحاول اخلص بدرى بدرى واروح ليه على المطار أجيبه

الام ماشى يا حبيبى ربنا ما يحرمكوش من بعض ابدا ويخليكم لبعض

حازم ولا منك يا حبيبه قلبى وربنا يخليكى يارب ويديكى الصحه ويبارك لنا فيكى
يالا سلام يا قلبى ومش هاوصيكى بقى محاشى كتير وحمام بالفريك ومكرونه بالباشميل طبعا اللى جاسر بيحبها مۏت من ايدك

الام عيونى يا حبيبى ليك ولجاسر اخوك هو انا عندى اعز منكم فى الدنيا
حازم ابتسم وقال ولا منك يا ست الكل يالا سلااام

خرج حازم وركب عربيته وراح على كليته وراح على الكافيتريا على طول مكان ما بيقعد هو ومنه والشله وشاف كل اصحابه قاعدين مع منه

منه اول ما عيونها جت عليه ابتسمت وقالت حازم جه اهو محدش فيكم يقوله غير لما اقوله انا واخضه الاول ماشى يا شباب

حازم قرب منهم وابتسم وقال صباح الخير يا شباب اخباركم ايه ومتجمعين كده ليه على الصبح خير🤔

الكل رد وقال صباح النور يا حازم ابدا مفيش المهم انت اتأخرت كده ليه يا ابنى

حازم ابدا ولا اتاخرت ولا حاجه جيت على طول وبص لمنه وقالايه يا منه قالبه وشك ليه يا بنتى اكيد ابوكى ماوافقش على رحله شرم الشيخ طبعا زى ما توقعت

منه بحزن ردت وقالت اه مش راضى خالص وفضلت اتحايل عليه وريهام تتحايل عليه برضه مفيش فايده ورافض خالص

حازم يا خسارة كان نفسى نروح ونقضى كام يوم هناك واحنا مع بعض وكمان مع باقى الشله

احمد صاحبه بصله وقال يا ابنى ابوها وافق وهما بيضحكوا عليك يا اهبل

الكل فضل يضحك وحازم قرب من منه 🤨 اللى قامت بسرعه وبدأت ترجع لوراء علشان عارفه هو هايعمل فيها ايه كويس اوى

حازم بكل غيظ بصلها وقال بقى كده بابا مش موافق يا ست منه ماشى ماشى وبدأ يجرى وراها وهى تجرى لحد ما مسكها
_____________________
وفى الفيلا عند ريهام
كانت صحيت ريهام من بدرى بعد ما جلها تليفون من المستشفى أن فى حاله خطېرة جت لهم فى الاستقبال وكانوا عاوزنها ضرورى
فقامت من النوم ودخلت خدت شور سريع ولبست على طول
اسلام كان صحى وشافها لابسه وخارجه

اسلام صباح الخير يا رورو
ايه ده انتى نازله ولا ايه يا حبيبتى دلوقتى

ريهام صح النوم يا استاذ انت مالكش كلام معايا تانى خالص وكمل نومك يا بيه🙄
وقربت منه وفضلت تضربه بالخوداديات اللى جنبه على السرير

اسلام افتكر أنه راح فى سابع نومه وفضل يعتذر لها بس هى كانت مخصماه وقالتله انها مش هاتصلحه ومشيت وسابته

اسلام انا ازاى نمت وسبتها ده انا حمار صحيح بس ان شاء الله هحاول اجيب لها هديه حلوة واصالحها باليل بس يارب ترضى وتصالحنى انا عارف ان مخها فظيع ولما تزعل استحاله تسامحينى

حازم فضل يجرى ورا منه لحد ما مسكها عند شجرة كبيرة فى الكليه بيحبوها هما الاتنين لأنها كانت أول مرة شافوا بعض فيها كان تحت الشجرة دى وكتبوا عليها اساميهم

حازم مسك اديها وقربها منه وقالها بقى كده بتضحكى عليا يا منه ده انا هاقطعك
منه بضحك ردت وقالت كنت بهزر معاك يا استاذ وقولت اشوف رد فعلك هايبقى ايه لما تعرف ان بابا رفض انى اروح الرحله

حازم بس كان باين على وشكم انكم بتهزروا على فكرة وانا شكيت
منه ايه ده بجد للدرجه دى مش بعرف امثل
حازم قرب منها اوى وقال اه يا فالحه للدرجه دى
منه طب اوعى بقى وابعد شويه احنا فى الكليه عيب الطلبه تقول ايه علينا بس

حازم قرب بوشه ناحيتها اوى وهمس لها وقال هو حد يقدر يقول حاجه على اى حد يخص حازم الكومى يا قلبى ولسه كان هايبوسها فى خدها فاجريت منه بسرعه وقالت يا مجنوووون اوعى وسابته واقف لوحده

روايه / همس الذكريات
بقلم / سحر فرج
الحلقه الثالثه

حازم فضل يجرى ورا منه لحد ما مسكها وهى وقفت علشان تاخد نفسها بس هو قرب منها وكان عاوز ېلمس وشها بس هى زقت أيده وقالتله ايه يا مچنون انت احنا فى الكليه عاوز حد يشوفها ولا ايه

حازم ما اللى عاوز يشوف يشوف محدش ليه عوة بينا وبعدين انتى مش عارفه انا مين ولا ايه يا بنتى

جه من وراه احمد زميله وراح ضربه على قفاه وقاله طبعا عارفين انت مين انت حازم باشا

حازم اه يا جذمه خضتنى انا قولت مين عنده الجراءة يعمل كده معايا وانتى بتضحكى علي ايه يا اختى عجبك أوى اللى هو عمله

منه هههههههه مش قادرة هاموت من كتر الضحك والصراحة فرحانه فيك قال حازم الكومى قال هههههههه
جدع ياض يا احمد

احمد اى خدمه يا منه انتى تؤمرى وانا على طول أنفذ ههههه

حازم لا والله انتم الاتنين هاتتلموا عليا ولا ايه منك ليها ده بعدكم

منه ههههه طب يالا تعالوا نشوف هدير جت ولا لسه ونتفق هانعمل ايه فى موضوع الرحله ده علشان مفيش وقت وكلها يومين ونسافر يا دوبك نقدر نتفق على اللى هانخده وهانعمله هناك

حازم يالا يا اختى منك ليه فعلا عندك حق مفيش وقت خالص

احمد ده احنا هنعمل عمايل يا لهوووووى

راحوا التلاته على الكافيتريا وكانت هدير زميلتهم واقفه بدور عليهم وبدؤا يتفقوا على اللى هايعملوه مع زمايلهم وعلى مواعيد الرحله والتجمع بتعهم كلهم من بدرى

حازم طب يالا يا منه تعالى نروح بسرعه ندفع الفلوس قبل ما يستكفوا ويقفلوا على كده

وفعلا قامت منه وراحت مع حازم ولحقوا اخر مكانين فى الرحله لما الموظف قالهم بكده

حازم شوفتى يا اختى الحمد لله اننا لحقنا وخدناهم قبل ما حد تانى كان جه وخدهم

منه يا سلام بقى بعد اللى انا عملته ده كله ومحايله على ريهام وبعدها مع بابا والكلام والموشح اللى انا سمعته
وكميه التنبيهات اللى ادهالى على الصبح بخصوص الرحله وفى الاخر مالقيش مكان ده انا كنت مۏت نفسى اقسم بالله

حازم نعم يا اختى تموتى ايه
شكلك كده عاوزه قلمين علشان يفوقوكى

منه ما تقدرش بقماره القفا اللى لسه وخده من احمد على قفاك يا اخويا صح
يا شيخ روح العب بعيد عنى
يالا هش هش من هنا

حازم بقى كده يا منه طيب انا هاروح ألغى الحجز ومش هاروح معاكى فى اى حته

منه خلاص خلاص يا قموصه انت هاسكت اهو ما تزعليش يا بيضه

حازم ايوا كده اتعدلى وتعالى نلحق المحاضرة علشان هامشى بدرى النهارده واروح اجيب جاسر اخويا من المطار علشان جاى من السفر

منه بجد والله حمد الله على سلامته
اخوك عدو المراه ده انا كرهته من قبل ما اشوفه من كتر كلامك عليه وأنه مش بيحب البنات خالص

حازم ده مفيش اطيب ولا احن منه و يالا بينا يا دوبك قبل ما الدكتور يدخل

فى الفيلا عند حازم كانت مامته بتجهز فى الاكل اللى بيحبه جاسر مع فاطمه الشغاله اللى معاهم اكتر من تلاتين سنه
وبتعتبر واحده من البيت والكل بيحبها وبيحترمها

وفضلت معاهم طول السنين دى كلها حتى بعد وفاه ابوا حازم وجاسر من كام سنه

ام حازم حلو كده يا فاطمه اطفى عليه الڼار بس المحشى خليكى موطيه عليه الڼار لحد ما الأولاد تيجى جاسر بيحبه مولع ڼار وملهلب

فاطمه حاضر يا حاجه كل اللى انتى تؤمرى بيه ويادوبك اعمل عصير البرتقال الله بيحبه علشان يلحق يصقع

ام حازم شاطرة يا فاطمه والله كنت هانسى خالص ومجاش فى بالى
خلاص اعملى انتى العصير وانا يادوبك هاطلع اخد دوش سريع واغير الهدوم اللى كلها محشى ورقاق وفراخ دى

فاطمه ماشى يا حاجه اطلعى انتى واطمنى انا واخده بالى من كل حاجه
وهاعمل العصير واحطه فى التلاجه

________________________

فى المستشفى كانت ريهام خارجه من اوضه العمليات اللى بقالها كذا ساعه جواها وكانت بتعمل عمليه كبيرة لراجل كبير فى السن وأهله كانوا خايفين عليه من العمليه لولا ناس كتير رشحوا ليهم الدكتورة ريهام من كتر شاطرتها وخبرتها فى جراحه القلب والأوعية الدموية والكل بيحلف بيها على مستوى المستشفيات ووزارة الصحه بحالها مع صغر سنها

اول لما ريهام خرجت من العمليات جرى عليها قرايب المړيض وريهام طمنتهم وقالتلهم أنه هايفضل تحت الملاحظه ال كام ساعه الجايين وهايفضل فى العنايه لحد ما الحاله تثبت وتطمن عليه بنفسها وطمنهم
___________________________

فى الشركه كان وصل اسلام من بدرى بعد ما ريهام راحت على المستشفى
وكان معاه صلاح وبيتفقوا على الحاجات اللى مطلوبه منهم قبل ما اسلام يسافر لها على اخر الأسبوع

اسلام تمام يا صلاح يعنى هى دى كل حاجه مفيش حاجه انت ناسيها

صلاح لا يا ابنى هى دى كل الحاجات اللى احنا عاوزنها ومطلوبه مننا فى السوق

اسلام على بركه الله يا ابو صلاح

صلاح تروح وتيجى بالسلامه يا ابن عمى

اسلام ان شاء الله

بقولك ايه يا صلاح هاروح مشوار فى السريع كده وارجع على طول

صلاح مشوار ايه يا اسلام انت بتلعب بديلك من ورايا ولا ايه يا ابن عمى

اسلام يا شيخ روح العب ايه بس ده انا رايح اجيب لريهام هديه حلوة اصلى زعلتها امبارح وخليتها نامت زعلانه منى وانا مش بقدر يعدى دقيقه وانا عارف انها زعلانه منى بس كان ڠصب عنى

صلاح يا خبر للدرجه دى انت زعلتها يا اسلام احكيلى احكيلى هببت ايه يا بلوة انت ما انا عارف انك مش ليك فى صنف الحريم خالص ولا التعامل معاهم ولا الهييييييح والرومانسيه خالص

اسلام هييييح ايه ده اللى انت بتقول عليه اول مرة اسمع الكلمه دى

صلاح اسلام امشى يا بابا روح شوف انت رايح فين وجيب اللى هاتجيبه واذا كان كده ماشى هو احنا عندنا كام ريهام يعنى
وبعدين ابقى اديك درس فى الهيييييييح ده يا حبيبى بس لما تكبر شويه

اسلام تصدق انك عيل واطى يا صلاح يالا سلام نصف ساعه بكتير مش هاتاخر

صلاح ماشى يا عم وانا رايح على مكتبى اشوف الملفات اللى على المكتب اد كده ومش عارف هاتخلص امتى

نزل اسلام بعد ما خد مفاتيح العربيه وموبيله وخرج من الشركه وركب عربيته وراح على الجواهرجى اللى متعود يشترى منه حاجات لريهام

دخل اسلام وصاحب المحل قام ورحب بيه

اسلام ازيك يا چورج اخبارك ايه ؟

جورج اهلا يا اسلام بيه انا تمام الحمد لله
اخبار دكتورة ريهام ايه ؟

اسلام كويسه الحمد لله
انا جاى النهارده اشترى ليها حاجه حلوة وتكون جديده يارب الاقى اللى فى دماغى

چورج ويا ترى فى مناسبه معينه للهديه علشان اقدر افيدك فى الاختيار

اسلام انا عاوز سلسله بفص الماظ صغير علشان هى بتحب الحاجات الصغيرة الرقيقه

جورج فعلا ذوق مدام ريهام حلو جدا وبيعجبنى
وطلبك عندى لسه واصلى من يومين

اسلام طيب الحمد لله ورينى بقى علشان انا سايب الشركه ومستعجل

جورج حاضر عيونى

وفتح الخزنه وطلع منها علبه وكان فيها السلسله اللى عجبت اسلام اوى اول ما شافها وطلب من جورج يحطها فى علبه قطيفه شيك

خرج اسلام من عند جورج بعد ما حاسبه وجورج ايداله العلبه

ركب عربيته ورجع على الشركه ودخل على مكتبه ومسك موبيله واتصل على ريهام

اسلام ايوا يا حبيبتى عامله ايه

ريهام مالكش دعوة

اسلام ليه بس ده انا حبيبك

ريهام ده كان زمان يا اخويا قبل ما الشركه والشغل يخدوك منى

اسلام حقك عليا يا قلبى والله نمت وما حستش بنفسى من كتر التعب

ريهام ماليش فيه انا مخصماك ومش هاصلحك

اسلام وحياتى عندك انا اسف

ريهام افكر

اسلام طيب اودامك اد ايه فى المستشفى و هاترجعى امتى

ريهام لا ده انا هاتاخر النهارده علشان عندى حاله خطېرة ولازم اتابعها بنفسى

اسلام ماشى يا حبيبتى ربنا معاكى ما تتأخريش علشان عامل مفاجاه حلوة ليكى النهارده

ريهام ايه ده بجد يا حبيبى عاملى مفاجاه

اسلام اه يا عيون حبيبك عاملك احلى مفاجاه

ريهام اوك مش هاتاخر واهاجى على طول أن شاء الله يا حبيبى بس اوعى تنام

اسلام مټخافيش حبيبتى يالا سلام يا قلبى وسوقى العربيه بشويش وخلى بالك من نفسك

ريهام حاضر يا روحى

اسلام سلام

ريهام قامت وطلبت من البوفيه فنجان قهوة علشان تقدر تكمل باقى اليوم لأنه كان يوم صعب اوى

حازم خلص المحاضرة هو و منه ووصل منه لحد باب الكليه واستاذن منها علشان يادوبك يلحق يروح لجاسر المطار

وفعلا ركب عربيته وراح على المطار وفضل مستنى لحد ما الطيارة وصلت

راح على باب الوصول واستقبل جاسر اخوه اللى كان لابس قميص وبنطلون ومعاه شنطته فى أيده

جاسر شاب فى التلاتينات طويل وبعضلات وشعره اسود وليه ذقن وعيونه لونها اخضر خريج هندسه جامعه القاهرة
استلم شركه باباه بعد ۏفاته من كام سنه
شخصيته شديده شويه وتقيل فى نفسه كده
وده اللى خلى الكل يقول عليه أنه مغرور و بيقولوا عليه ( البعبع )فى الشركه من كتر الشخط والنطر بتاعه معاهم

بس طبعا هو مع مامته وأخوه شخص تانى حنين جدا وكويس لدرجه كبيرة خالص وبيعتبر حازم ابنه مش اخوه لأنه هو اللى رباه بعد ما ابوه ماټ
بس جاسر مش بيحب ولا بيطيق اى واحده ست
واكتر اللى شغالين فى الشركه رجاله وقليل اوى لما تلاقى موظفه فى الشركه حتى السكرتيرة راجل مش ست
وده من صغره من لما كان طفل صغير وهو مش بيحب يلعب الا مع الاولاد بس ومش بيحب البنات خالص

حازم جاسورة حبيب قلبي حمد الله على السلامه يا هندسه

جاسر انت لسه زى ما انت يا ابنى انت مش هاتعقل ابدا
عامل ايه يا حازم وازى ماما وصحتها ودادة فاطمه

حازم كله تمام يا جاسورة وكلهم بخير الحمد لله

جاسر طيب هات مفاتيح العربيه انا اللى هاسوق

حازم ماشى يا برنس خد

وركب العربيه وحازم ركب جنبه وفضلوا يتكلموا لحد ما وصلوا الفيلا

نزلوا من العربيه ودخلوا على الفيلا وطلبوا من البواب أنه يجيب الشنط على جوا

جاسر دخل ولقى مامته قاعده على كنبه الانتريه قرب منها وحضنها وباس رأسها وايديها

الام حبيبى يا ابنى وحشتنى يا قلبى حمد الله على سلامتك يا عيونى

جاسر الله يسلمك يا امى انتى وحشتينى اوى والله

حازم فى ايه يا جدعان انتم الاتنين ماكنش شهر اللى هو سافره يا ست الحاجه انتى

جاسر اسكت انت واطلع منها يا ابوا لسان طويل وعاوز قصه

حازم اسكت ايه انا مېت من الجوع يالا بينا نأكل وابقوا كملوا الاحضان والبوس دول بعدين

الام ماشى يا ابنى يالا بينا على السفرة فاطمه زمانها حطت الاكل كله

جاسر تسلم ايديكم يارب يا امى تعبتكوا معايا

حازم ياربى انا رايح اكل خليكم انتم بقى حبوا فى بعضكم الاكل هايبرد

جاسر حدفه بالمخده بتاعه الكنبه وحازم مسك دماغه وقال
اه
اه
يا دماغى عورتنى يا جاسورة اه يا يانى ياما

الكل فضل يضحك على طريقه حازم الصبيانيه وراحوا على السفرة

روايه / همس الذكريات
الحلقه الرابعه
بقلم ✍ سحر فرج

ريهام اطمنت على الحاله بتاعه المړيض اللى عملتله العمليه بعد ما دخلت العنايه وكشفت عليه وطمنت اهله كمان
غيرت هدومها وخدت شنتطها ومفاتيح عربيتها و ركبت الاسانسير وخرجت من المستشفى و ركبت عربيتها

بعد نصف ساعه كانت وصلت الفيلا ونزلت ودخلت على جوا

اول لما فتحت الباب لقت الدنيا كلها ضلمه مفيش غير ضوء بسيط من شموع
قربت من الزر بتاع الإضاءة ونورت النور اللى اول لما نور شافت الورد فى كل مكان وشموع كتير مولعه
واسلام واقف وماسك بوكيه ورد كبير فى أيده من الورد البلدى اللى ريهام بتعشقه

قرب منها وأداها البوكيه وباس اديها

ريهام ايه الجمال ده كله يا اسلام

اسلام قلب اسلام
وعيون اسلام
وروح اسلام

ريهام ايه الرقه والرومانسيه دى كلها يا حبيبى
لا لا كده كتير اوى ومش متعوده على الدلع ده كله

اسلام انا حسيت انى مزعلك وبعيد عنك الفترة الأخيرة دى كلها وقولت اعمل حاجه تفرحك وتسعدك وتعوضك عن البعد ده كله

ريهام روح قلبى انا كفايه عليا انى اكون جوه هنا
وشاورت على قلبه ونامت على صدره

اسلام ضمھا لحضنه وقالها انا بمۏت فيكى يا ريهام
ونفسى اعمل كل حاجه علشان تكونى سعيده وفرحانه دايما

ريهام وانت طول ما انت جنبى وفى حضنى بكون سعيده وفرحانه ومش عاوزة ابعد عن الحضن ده ابدا ابدا يا حبيبى

اسلام طب تعالى نتعشى بقى الاول ونطلع على اوضتنا

ريهام استنى استنى الاول
فين مامتك والأولاد مش سامعه ولا شايفه حد منهم ليه

اسلام انا هاحكيلك كل حاجه واحنا بنتعشى

وفعلا اسلام خد ريهام وراحوا على السفرة اللى كان طلب من الشغاله انها تجهزها قبل ما تمشى واللى عجبت ريهام جدا
وقعدوا وبدؤوا يكلوا وبدأ اسلام يحكلها على اللى حصل
بصى يا ستى

فلاش باك

اول لما اسلام وصل الشركه بعد ما جه من عند الجواهرجى عدى على صلاح فى مكتبه وكان صلاح بيتكلم مع هند مراته واول لما اسلام دخل قالها خدى اخوكى اهو وقوليلوا على اللى انتى عوزاه

اسلام اهلا يا هند يا حبيبتى اخبارك ايه واخبار العيال

هند الحمد لله يا اسلام يا حبيبى
كنت عاوزة ماما تيجى تقضى معايا يومين والنبى يا اسلام هى والاولاد وقولت اقولك الاول قبل ما البس واروح اجبهم

اسلام وماله يا حبيبتى هو اقدر اقول للجميل لا برضه
اهو بالمرة ماما تغير جو شويه هى والاولاد
وانتى عارفه انهم على طول فى البيت ومش بنخرج كتير

هند حبيبى يا اخويا ربنا يخليك لينا ومنتحرمش منك ابدا
انا هاقفل معاك واغير هدومى واروح اجبهم

اسلام سوقى بشويش وخلى بالك من نفسك

هند انا يا اخويا بسوق براحه الدور والباقى عليك انت سواقتك فظيعه وبتمشى سريع اوى بالعربيه زى الطيارة

اسلام ربنا يسترها

هند يارب

صلاح ايوا يا عم ماشيه معاك وهاتقضى الليل واخره مع حبيبه القلب رورو😉

اسلام والنبى بطل الأر بتاعك ده انا مش ناقص

صلاح ماشى يا عم هاسكت خالص اهو🙊🙊

باك

اسلام وادى يا ستى كل الحكايه
وبالمرة طلبت من الشغاله تجهز العشاء والسفرة وتروح على بيتها وتيجى الصبح

ريهام يعنى احنا لوحدنا فى الفيلا دلوقتى

اسلام اه يا حبيبتى

_______________________

فى الفيلا عند حازم كانت الأم طلعت على اوضتها من كتر التعب اللى شافته طول النهار فى المطبخ وتجهيز الاكل وغيرت هدومها واتوضت وصلت العشاء ونامت

عند حازم فى اوضته كان بيجهز فى هدومه اللى هايخدها معاه الصبح للرحله وبيشوف هو هايحتاج ايه ويجهز الشنط
سمع موبيله بيرن

لقى منه هى اللى بتتصل

حازم عاوزة ايه يا مجنونه انتى

منه بقى كده انا مجنونه طب مخصماك ومش هاجى الرحله الصبح

حازم مجنونه وتعمليها

منه بتعمل ايه دلوقتى ومكلمتنيش ليه من ساعه ما جبت اخوك من المطار

حازم والله الوقت خدنى وكنت قاعد انا وامى وجاسر وكان بيحكلنا على السفريه بتاعته

منه اه طيب جهزت الشنط ولا لسه

حازم بجهز اهو بقالى شويه
وانتى جهزتى الشنط

منه اه من ساعه لما جيت من الكليه وانا كنت بجهز فيهم

حازم نام على السرير ومسك الموبيل وقالها
وحشتينى اوى

منه ااااااه
وانت كمان وحشتنى اوى

حازم اوى بس

منه اوى اوى اوى

حازم اموت انا فى الاوى بتاعتك دى تسيح الواحد

منه اتلم يا زفت انت بدل ما المك انا بايدى

حازم يااااريت نفسى اتلم على ايدك انتى يا حبيبتى

منه وبعدين معاك بتبوظ اعصابى بكلامك ده يا حازم

حازم يا لهوى عليك وانت عامل مؤدب بتبقى زى العسل

وفجاه دخل عليه جاسر اخوك وقاله

جاسر بتعمل ايه يا ابنى انت دلوقتى وبتكلم مين

حازم ماشى يا احمد نتقابل بكره بقى إن شاء الله اودام الكليه تصبح على خير علشان جاسر اخويا عاوزنى

منه تصبح على خير يا رخم انت واخوك كتك ضربه

حازم ابدا يا جاسر كنت بتفق انا واحمد علشان رايحين بكره شرم الشيخ رحله تبع الكليه
وكنت بتفق انا وهو على المواعيد واللبس اللى هانخده وكده

جاسر ماشى يا عم نخليها احمد المرة دى مع أنى متأكد أنه مش احمد اللى هاتقوله
( بتبقى زى العسل )

حازم اه يا فاهمنى انت الواحد مش بيعرف يخبى عليك حاجه ابدا

جاسر المهم خلى بالك من نفسك ومش عاوز عك فاهمنى
وسيبك من صنف الحريم ده كله

حازم عيب عليك هو انا بتاع كده برضه

جاسر لا ابدا ابدا ازاى
ده انت ابوا كده وبس وفضلوا يضحكوا هما الاتنين

جاسر بقولك يا حازم ماما مش عجبانى وشكلها مرهق وتعبان كده ليه
هى مش بتاخد علاجها وأدويتها فى مواعيدها ولا ايه

حازم لا طبعا ازاى بتاخد علاجها وبتابع مع الدكتور
بس تلاقيها النهارده بس تعبت فى عمايل الاكل علشان سياتك يا استاذ
ما تخفش عليها

جاسر ربنا يستر
يالا تصبح على خير لانى عاوز انااام وهلكان من السفر والمهم خلى بالك وانت فى شرم من نفسك

حازم وانت من اهله وما تخفش عليا ده انا حازم برضه 😉

جاسر انت هاتقولى هههههههه

________________________

طلعوا على أوضتهم بعد ما خلصوا العشاء ووقفل اسلام الباب وراه

ريهام قربت من الدولاب وخدت قميص اسود قصير ودخلت على الحمام علشان تغير

اسلام بدأ يقلع هدومه وفضل بالشورت وفانله كت وأخذ علبه من جيب الچاكيت بتاعه
وقرب من التسريحه وحط برفان وسرح شعره
وفضل مستنى خروج ريهام من الحمام وكان ماسك العلبه القطيفه اللى فيها السلسله اللى اشتراها ليها

ريهام كانت قلعت هدومها ولبست القميص وضبطت مكياجها فى مرايه الحمام وحطت البرڤان اللى بيحبه اسلام وسيبت شعرها الطويل على ضهرها وكانت طالعه زى القمر وخدت بعضها وفتحت الباب

اول لما خرجت شافت اسلام واقف اودام الباب ومستنيها وقالها وااااو

وقرب منها

اسلام ايه القمر ده كله وايه الحلاوة دى يا حبيبتى

ريهام بجد عجبتك يا روحى

اسلام اه طبعا يا حبيبتى وقالها غمضى عينك

ريهام ليه ؟

اسلام بس غمضى وانتى هاتعرفى

وغمضت ريهام عنينا وجه اسلام وفتح العلبه وجه من ضهرها ولبسها السلسله ومسك اديها ووقف وراها وقرب من المرايا وقالها فتحى عيونك يا قلبى

ريهام فتحت عنيها وشافت السلسله اللى فى رقبتها وكانت فرحانه بيها اوى ولفت نفسها لاسلام وقالتله جميله اوى اوى يا حبيبى

اسلام حط أيده فى وسطها وشدها بشويش ليه وقرب من شفايفها اللى كان متشوق لطعمها اوى وحس بانفسها وقلبها اللى بيدق اوى وده اللى خلاه يقرب منها ومن شفايفها الكريز اللى بېموت فى طعمها وبترويه وبتروى الشوق بتاعه

قرب منها وباسها بوسه كلها شوووق وحب وفضلوا فترة طويله اوى لحد لما حس انها محتاجه للهوا
وبدأ ېلمس جسمها بشويش ويحسس على كل حته فيه بمنتهى الحنيه وقبلات فى كل حته فى جسمها
ريهام كانت اعصابها سايبه من مجرد لمسه اسلام ليها ومن شفايفها وبدأت تبادله الاحضان والبوس وده اللى خلى اسلام يشيلها وقرب من السرير وحطها بشويش وراحوا فى دنيا تانيه خالص بعد ما قلعها القميص خالص بتاعها وطفى نور الابچورة

(عيب بقى ملناش دعوة بيهم عييييييب خليهم فى الهييييييح بتاعهم ) 🙈🙈🙈🙈

طلع النهار وصحيت منه وجهزت نفسها ولبست هدومها وخدت شنطها بعد ما سلمت على ابوها وامها اللى فضلوا ينصحوها انها تخلى بالها من نفسها

منه حاضر والله هاخلى بالى سلام بقى علشان لازم انزل هاتأخر على الاتوبيس

الاب ماشى يا بنتى ربنا معاكى

الام سلام يا حبيبتى وتروحى وتيجى بالسلامه

وفعلا نزلت منه و ركبت تاكسى لحد الكليه واول لما وصلت كان الكل موجود وحازم كان واقف مع احمد وبقيت الشله وكانوا مستنين بقيت الطلبه لحد لما يوصلوا علشان يركبوا الاتوبيسات ويرحوا على شرم وتبدأ رحلتهم

حازم لسه بدرى يا هانم كل ده علشان تيجى سياتك ده انا هنا من بدرى ومستنيكى

منه اعمل ايه بس يا حازم ماما وبابا وبعض النصايح والدروس وخلى بالك والكلام ده ما انت عارفهم

حازم ماشى يا اختى خلاص هاتى الشنط دى علشان احطها فى الاتوبيس هى رحله باينه من اولها

منه بتقول ايه يا زفت انت

حازم مش بقول اخلصى وتعالى ورايا علشان نلحق كورسين فى الاول قبل ما الغجر دول يخدوا الأماكن الحلوة

منه اه والنبى انا بحب اقعد جنب الشباك يا حازم ماليش فيه

حازم يا نهار اسود على شغل الأطفال ده تعالى يا اختى لما نشوف

وطلعوا الاتوبيس اللى كله كان طلبه وكانوا بيهزروا وبيضحكوا ومشغلين اغانى وهيصه ايه

💃💃💃💃💃💃💃💃💃💃

الحلقه الخامسه
روايه همس الذكريات
بقلم ✍ سحر فرج

يقترب منها ويضمها اللى أحضانه ويشعر بها وبدقات قلبها ورعشه جسدها بين يديه فيرفع وجهها إليه وينظر الى عينيها الحزينه ويمسح دمعتها التى تسقط من عينيها كالؤلؤ المتساقط ويقرب من شفاها ويمرر اصبعه عليهم ويضمهم بيديه وأصابعه ويقترب بوجهه الذى يخرج منه حراره تلهب وجهها ويمد يده ويضمها اليه اكثر ويغوص بين شفاها ويشبع اشتياقه إليها وېلمس جسدها ويقبل كل جزء فيه بكل شوق ولهفه

و يستيقظ جاسر من نومه ومرة أخرى نفس الحلم الذى يأتيه دايما فى نومه كل فترة
انها نفس الفتاه التي لا يعرف ملامحها حتى الآن ولكنه يعرفها من رائحتها التى يعشقها ويدمنها فى حلمه فهى كرائحه الزهور البريه

وأصبح هذا الحلم امنيه يتمناها جاسر أن تتحقق وان يعثر على هذه الفتاه التى يراها لكنه يشعر بها وبرائحتها فى الاحلام فقط
فهل سيأتى اليوم الذى يتحقق هذا الحلم ويصبح حقيقه ويشعر بها وبرجفه جسدها ورعشه شفاها بين يديه ووسط أحضانه

يرفع الغطاء ويفرك بيديه فى رأسه من كثرة التفكير فى هذا الحلم الذى يراه دوما وباستمرار وخاصه الفترة الأخيرة

؟؟؟؟؟؟؟؟؟؟؟؟؟؟؟؟؟؟؟؟

ويقترب من دولاب حجرته ويأخذ غيار ويذهب الى الحمام ليبرد جسده المشتعل من الحلم

ريهام صحيت ودخلت خدت دوش سريع وبدأت تلبس هدومها وكل ده وكان لسه اسلام نايم فى سابع نومه

اقتربت منه ريهام وجلست بجواره وبدأت تمرر اصابعها فى رأسه حتى استيقظ وفتح عيونه لها

اقترب اسلام منها وجذبها إليه وقبلها من وجهها

ريهام صباح الخير يا حبيبى

اسلام صباح الفل والياسمين يا حبيبتى

ريهام انا كنت هاروح على الشغل ومكنتش عاوزة اقلقك واخليك نايم براحتك بس قولت أصبح عليك الاول

اسلام فرك فى عينه وقالها ايه ده انتى كمان لبستى هدومك ونازله يا روحى

ريهام يادوبك يا اسلام الحق اروح على المستشفى ده انا كمان متأخرة اوى
وعامله عمليه كبيرة امبارح لواحد ولازم اكون هناك لأى حاجه تحصل
تحب اجهزلك الفطار يا حبيبى قبل ما امشى ؟

اسلام لا يا قمر روحى انتى على شغلك وانا هابقى اكل اى حاجه فى الشركه

ريهام قربت منه وباسته فى خده وقالتله ماشى يا حبيبى يالا سلام واشوفك باليل بقى لما ارجع

اسلام سلام يا حبيبتى وسوقى بشويش العربيه ما تستعجليش

ريهام اوك يا سلام

فى أتوبيس الرحله 💃 الكل كان فرحان وبيهزروا ويضحكوا واللى كان بيغنى واللى كان ماسك موبيله

وبالنسبه لحازم ومنه كانوا مش مبطلين رغى من ساعه لما ركبوا
واحمد كان قاعد هو وزميلته هدير
بيحاول يقرب منها ويعترف لها باعجابه بيها من اول يوم شافها فى الكليه

حازم خف يا عم الحاج على البنيه هدير مش ادك

منه وانت مالك انت ما تسيبهم فى حالهم

احمد قوليلوا والنبى يا منه أصله واد رخم ومش بيبطل استزرافه ده

منه الله يكون فى عونى مش عارفه هكمل معاه ازاى ده بقيت حياتى

حازم بقى كده يا ست منه ماشى ماشى خليكى فاكرة كلامك وبكرة ټندم يا جميل

منه يا شيخ روح العب بعيد عنى شويه
تعال يا احمد لما اقعد ارغى شويه انا وهدير وخد الواد ده عنى شويه

احمد لا والنبى يا منه شوفى حد غيرى ده عيل رخم

حازم بقى كده انت وهى ماشى أما وريتكم بس لما نوصل

وقامت منه وقعدت جنب هدير وفضلوا يتكلموا عن أحمد وعن حازم وعن الرحله والكام يوم اللى هايقضوهم مع بعض هناك

بس احمد وحازم راحوا فى سابع نومه من كتر التعب وطول المشوار لحد بعد كام ساعه وصلوا شرم الشيخ
المشرفين على الرحله طلبوا منهم أنهم يجهزوا نفسهم علشان ينزلوا اودام الفندق ويخدوا شنطهم
ويشوفوا زميلهم اللى نايمين ويصحوهم
علشان خلاص مفيش غير دقايق قليله ويدخله على بوابه الفندق

منه راحت هى وهدير ناحيه حازم واحمد اللى كانوا عاملين زى الميتين وهما نايمين فاتحين بوقهم ونايمين فى حضن بعض هما الاتنين
غمزت منه لهدير وقالت لها استنى
وفتحت الكاميرا بتاعه الموبيل وصورتهم كام صورة علشان أما تحتاجهم وقت اللزوم وتزلهم هما الاتنين

هدير فضلت تضحك وقالت لها اصبرى بقى يا منه انا هاصحيهم بمعرفتى

هدير قربت منهم وفتحت ازازة المايه اللى كانت فى اديها وفى لحظه فضتها على وش حازم واحمد اللى قاموا مفزوعين من نومهم وحازم قام ضارب احمد بالقلم واحمد نط فوق الكرسى وفضل كل الطلبه ‍ تضحك عليهم وعلى منظرهم المضحك ده

منه وهدير كانوا عملوا عملتهم وجريوا بسرعه ناحيه المشرف اللى جنب السواق

وبعد دقيقه باب الاتوبيس اتفتح والكل بدا ينزل واحمد وحازم كان منظرهم زباله لان بناطلهم كانت ڠرقانه مايه واللى هايشوفهم هايضحك عليهم

نزل الكل وخدوا شنطهم ودخلوا على الفندق من جوا

المشرفين دخلوا على الاستقبال وقدموا ورق الحجز بتاع الكليه ووزعوا الطلبه وكان كل اتنين مع بعض فى اوضه
وحظ احمد وحازم مع بعض وهدير ومنه مع بعض والكل طلع على اوضته علشان يستريح شويه من تعب السفر واتفق معاهم المشرف على التجمع بعد ساعتين لبدايه الرحله💃💃💃

تليفون منه رن وكانت مامتها بتطمن عليها وعلى وصولها لشرم ومنه طمنتها وقفلت معاها بعد ما والدتها فضلت تدعيلها وتطلب منها انها تخلى بالها على نفسها

________________________

ريهام كانت فى المستشفى وكانت بتمر على المرضى وتطمن عليهم وبالذات الحالات الحرجه

قابلت الدكتورة سحر بنت صاحب المستشفى وكانت زميلتها فى كليه الطب على مدار السبع سنين وتعتبر سحر صديقه ريهام المقربه جدا ليها
سحر كانت جميله ومن أسرة غنيه جدا وكان والدها دكتور كبير ومشهور جدا فى مصر وكان مرشح أنه يكون وزير الصحه القادم

سحر ارتبطت بشخص بعد التخرج واتخطبوا وبعد تحديد ميعاد الفرح سافر لدوله اوروبيه وللاسف الطيارة وقعت بيه وماټ ومن ساعتها وهى رافضه انها تربط باى حد تانى

ريهام سحووور حبيبتى فينك يا بنتى مختفيه ليه ومجتيش ليه امبارح ورنيت عليكى وانتى ما ردتيش

سحر حبيبتى يا هومه وحياتى والله
اعمل ايه بس نفسيتى كانت زى الزفت بقالى يومين ومكنش ليا نفس خالص أنى انزل ولا اكلم اى حد

ريهام ليه كده يا سحر مامتك تانى ونفس الموال بتاعها

سحر ايوا يا ستى كل لما تشوفنى مورهاش غير الجواز والخطوبه وسنك بيكبر والكلام اللى حفظته ده

ريهام معلش يا سحر هى مهما كان أم ونفسها تفرح بيكى يا حبيبتى

سحر اعمل ايه بس يا ريهام ڠصب عنى مش قادرة انسى اللى حصل معايا والا قادرة انسى مصطفى خالص

ريهام معلش يا حبيبتى الله يكون فى عونك

وشويه واحلام الممرضه جت وبلغت ريهام أنهم طالبنها فى العنايه المركزه بسرعه

ريهام ماشى يا امل جايه بسرعه معاكى عن اذنك يا سحر نكمل بعدين كلامنا

سحر تمام حبيبتى

وبسرعه راحت ريهام على العنايه ودخلت وبدأت تكشف على الحاله الحرجه اللى طلبوها بالاسم علشانها

وكشفت عليها وطلبت من الدكتور المساعد عمل اللازم وكتبت على حقنه و اشاعه على القلب فورا

وبعدها راحت على الحاله بتاعه عمليه امبارح واطمنت عليها وفرحت من جواها انها قدرت تنجح فى العمليه دى لان كانت نسبه ناجحها ضعيفه جدا
وان السبب الرئيسي لنجاح العمليه دى هو ربنا ودعاء المرضى ليها
دايما بالتوفيق والنجاح

__________________________

عدت كذا ساعه والطلبه بدءوا يجهزوا وينزلوا على تحت فى ريسبشن الفندق لحد لما الكل ينزل ويستعدوا للانطلاق

حازم شاف موبيله بيرن وكان اخوه جاسر بيطمن عليه

حازم اه يا جاسورة يا حبيبى

جاسر ايوا يا استاذ عامل ايه ووصلتوا ولا لسه ماما عاوزة تطمن عليك

حازم اه يا باشا وصلنا بالسلامه من ساعتين كده وبنجهز نفسنا ونازلين بقى دلوقتى علشان نلف براحتنا طمن ماما

جاسر ماشى يا حبيبى خلى بالك من نفسك وماما بتسلم عليك هى جنبى اهى

حازم الله يسلمها سلام بقى

جاسر سلام

حازم قفل مع اخوه وخد احمد وخرجوا من اوضتهم وراحوا على اوضه البنات وخبطوا عليهم واستعجلوهم بالنزول على تحت

منه من ورا الباب ماشى يا حازم انزلوا انتم واحنا هانحصلكم على تحت

حازم بتهببوا ايه كل ده انتى وهى يا هانم

منه ايه يا بلوة لسه صاحين من النوم وبنلبس هدومنا ونازلين

حازم طب يا اختى اخلصى انتى وهى وتعالوا على تحت على طول ما تتأخروش لا نمشى ونسيبكم

منه ماشى خلاص غور بقى خلينا نخلص

حازم يالا يا سى احمد اصل احنا ناقصين قرف

منه ماشى يا حازم لما اشوف خلقتك وانزلك

جرى حازم واحمد على تحت وفجاه اتسمروا فى مكانهم هنا الاتنين من اللى شافوه

حازم اوبا ايه الحلاوة والجمال ده ياض يا احمد

احمد بتقول حاجه يا حازم

حازم اتنيل وفوق لا تودينا فى داهيه

احمد اه يانى يا اما تعالى شوفى ابنك واللى هايحصله فى الأربع ايام دول

حازم ربنا يستر
بس ايه البنات دى مهلبيه بالقشطه
وايه اللبس اللى هما لابسينه ده
ده ماشين من غير هدوم خالص

احمد انت بتقول فيها ده مفيش خالص 👙👙

حازم طب يالا يالا احسن ما البنات تقفشنا واحنا متنحين كده وزمان المشرفين هايرحلونا على القاهرة من اولها كده على التاخير ده

نزلوا على تحت والبنات نزلت بعدهم بشويه واللى كانوا لابسين لبس محترم مغطى جسمهم كله

حازم وطى على احمد وقاله شوفت الغفر بتوعنا شرفوا اهم اخيرا

منه بتقول ايه يا استاذ منك ليه من ورانا ؟؟؟

احمد بنقول ايه الحلاوة والجمال ده منك ليها يا موززز انتم

هدير لا والله ما اهو باين على ملامح وشكم منك ليه

حازم ايوا يا دكتور جايين اهو

منه اهرب اهرب من السؤال ماشى يا حازم كله بحسابه

المشرف عرض عليهم اللى عاوز يروح على البحر يروح واللى عاوز يلف فى المدينه يروح بس الاهم أنهم يخلوا بالهم من بعضهم

الشباب حازم واحمد وبعض صحابهم قرروا أنهم يروحوا رحله سفارى ويشوفوا اجمل المناظر الطبيعية الخلابة ويتعرفوا على المدينه اكتر واكتر ويأجلوا البحر لتانى يوم ويكونوا عاملين حسابهم فى اللبس

وفعلا راح الكل وراحوا رحله السفارى وركبوا البيدچ باجى

وركبت منه ورا حازم وهدير ورا احمد وباقى المجموعه فيهم اللى ركب لوحده وفيهم اللى ركبوا مع بعضهم
وانطلقوا فى الصحراء الجرداء

الحلقه السادسه
روايه همس الذكريات
بقلم ✍ سحر فرج

انطلقوا الشباب على البيدج بجى والكل كان مبسوط وفرحان

منه اللى كانت مړعوبه وهى راكبه ورا حازم وكانت أول مرة تركب البيدج بجى فى حياتها وكانت ماسكه فى هدوم حازم وهى مړعوبه وخاېفه لا تقع

فضلوا ماشين فى قلب الصحراء حوالى ساعه لحد ما وصلوا لمكان كله خيام منصوبه وناس كتير من البدو والأجانب

الكل نزل ووقفوا البيدج باجى على جنب وحازم واحمد والبنات والمجموعه كلها اللى معاهم قربه من الخيام والبدو رحبوا بيهم وقعدوا وقدموا ليهم الشاى والقهوة عقبال لما الحفله تبدأ وهايكون فيها غناء ورقص بدوى وعشاء بدوى كمان

عدى حوالى ساعتين وواحد من البدو راح ناحيه الشباب وبلغهم أن ممكن يغيروا لبسهم ده ويلبسوا لبس بدوى من عندهم لزوم الحفله
وقال للشباب هايلبسوا جلاليب بيضاء وشال

والبنات هاتلبس اللبس البدوى وعلى رأسهم طرحه والمكياچ الخاص بيهم وبعض الاكسسوارات اللى البدو مشهورين بيها

والشباب كلهم رحبوا بالفكرة ودخلوا جوا الخيام وبدأوا يغيروا ملابسهم ويستعدوا للحفله

بعد شويه الحفله بدأت والكل كان لابس بدوى وكان شكلهم تحفه
وحازم فضل يعاكس فى منه اللى كانت طالعه حلوة اوى بالبس والمكياج ده
وبدا الغناء والرقص الشعبي ورقص الحصان على المزمار والكل كان فرحان وكان فى أجانب كتير من دول مختلفه

وفى جنب تانى كان فى ناس من أهل المكان ده بيجهزوا للشوى وكان معاهم معزة وخروف علشان الشوى

والكل عمال بيرقص على الطبل البلدى وكان فى واحد من الأجانب مش عاوز يشيل عينه من على منه
حازم لاحظ نظراته دى وده اللى خلى دمه كان بيغلى من جواه وقرر لو استمر على النظرات دى هايمسكه يضربه اودام الكل

احمد لاحظ زعل حازم وسأله عن السبب وحازم قاله على اللى بيحصل من الأجنبى ده

احمد فعلا انا ملاحظ من ساعه ما وصلنا أنه عمال يبص علي البنات وما شالش عينه من عليهم ومردتش اقولك علشان ما نعملش مشاكل وعارف دماغك المنيله دى

منه كانت سمعت كلامهم وما حسوش بيها وهما بيتكلموا انها سمعتهم فقررت انها تقعد علشان محدش يعمل مشكله فى المكان وهى عارفه دماغ حازم كويس وعصبيته

منه خدت هدير من اديها وهى بتسقف وقالت لها تعال نقعد شويه وقعدوا يستريحوا على الأرض اللى كانت مفروشه بالحصر وقالت لهدير على كل اللى حصل

حازم ايه تعبتوا ولا ايه يا بنات ولا فى حاجه حصلت او حد دايقكم

هدير ايه يا عم هانستريح شويه وهانقوم ونكمل ما تقلقش ومفيش حاجه حصلت ومحدش يقدر يعمل لنا حاجه

منه حبت تغير الموضوع وقالت انا جوعت يا عم وشطبت بنزين ومعدتى بتصوصو خلاص هاموت يا بشړ

احمد مين سمعك يا منه وانا كمان هاموت من الجوع

وهما بيتكلموا المسئول عن الحفله لقوه بيدعوا الجميع للخيمه الكبيرة علشان العشاء جاهز وبرضه اتكلم بالنجليزى علشان الأجانب الموجوده

الكل قام بسرعه وراحوا على الخيمه وانبهروا من كميه الاكل الموجوده وكلوا وشبعوا على الاخر

وبعد شويه ساعه الغروب راحوا ركبوا البيدج باجى ورجعوا على الفندق قبل الليل ما يليل اوى عليهم علشان الطريق فى الصحراء بيكون خطړ باليل

فى شقه صلاح كانت هند مجهزة العشاء وقعدوا واتعشوا هى وجوزها وعيالها وصلاح قال لهند أن ابوه وامه وحشينه اوى وعاوز يروح لهم ويخدلهم هدايا كتير معاه

هند بجد يا صلاح نفسى اوى والله بقالنا كتير ما سفرناش عندهم من ساعه العيد الكبير

صلاح والله وانا كمان امى وابويا الحاج
واخواتى وحشونى وقريب ان شاء الله لما اسلام يجى من السفريه بتاعته دى هاناخد بعضنا كلنا ونروح نقعد اسبوع هناك

هند ان شاء الله

ودخلوا اوضتهم بعد العشاء وبعد ما اطمنت على عيالها أنهم ناموا وقفلت الباب

صلاح نام على السرير وفضل باصص على هند ووشه مبتسم وهى قاعده على التسريحه بعد ما قلعت الروب بتاعها وظهر معظم جسمها

هند فى مرايه التسريحه كانت شايفه عيون صلاح عليها اللى كلها شوق وحب بيزيد يوم بعد يوم ليها

هند فى حاجه يا استاذ انت بتبص عليا كده ليه وانت مبتسم

صلاح ابدا يا حبيبتى اصلك وحشانى مووووت

هند لا والله ما انا اودامك طول اليوم ما سمعتش ليه الكلام الحلو ده

قام صلاح من على السرير وقرب من هند وحط أيده على كتفها وهى قاعده وبدأ يبوسها من مؤخرة رأسها ورقبتها كلها
قامت هند ولفت ليه وحطت اديها على صدره وقلتله وحشتك يا صلاح

صلاح همس ليها و كله حب وشوق قالها
اوى
اوى
اوى
يا روح صلاح من جوا

هند حطت راسها على صدره وضمھا صلاح ليه وبدأ ېلمس وشها وشفايفها وباسها بوسه طويله اوى وحضنها وشالها لحد السرير
وراحوا فى عالم تانى خالص

🙈🙈🙈🙈🙈🙈🙈🙈🙈🙈

_______________

تشرق شمس يوم جديد بضوءها وحرارتها التى ملت كل جزء فى قريه من إحدى قرى الصعيد مع ذقذقه العصافير وصوت الكروان
ما اجمل حياه القرى والريف المصرى ومناظره الطبيعيه
وعلى بعد خطوات قليله من نهر النيل توجد سرايه كبيرة وضخمه ولها سور طويل من حولها وبوابه خشب ضخمه يقف عليها حارس من أهل هذه القريه

ولافته مكتوب عليها سرايه

ادهم السراوى

الحاج ادهم بيكون ابوا صلاح وعم اسلام جوز ريهام
معروف فى قريته وعلى مستوى محافظته بالعدل والمساواة والإحسان وعمل الخير ونصرة المظلوم لاهل قريته والقرى المجاورة والكل بيحبه ويلجأ إليه فى اى طلب او مشكله يقع بها
فهو كبير هذه القريه وكبير عائلته مقاما وسنٱ
والكل يعمل له مليون حساب ويحترمون قراراته وحكمه فى ما بينهم

فى داخل السرايه يوجد بهو كبير واثاث ضخم وجميل وسفرة كبيرة تجمع جميع أفراد الأسرة

صلاح هو الابن الأصغر له تزوج من بنت عمه هند وقرر أن يعيش فى القاهرة بجوار اسلام وزوجه عمه والشركه وبالذات بعد وفاه عمه ابوا اسلام

للحاج ادهم ثلاث اولاد
اكبرهم معتز السراوى متزوج من بنت خاله وله ثلاث اطفال
الثانى عمر السراوى ضابط شرطة ولم يتزوج بعد ومن كتر حب اسلام ليه سمى ابنه بأسم عمر
اسلام بيعتبرهم كلهم اخواته وبالأخص عمر وصلاح

والحاجه سهام زوجه الحاج ادهم وأم أبنائه الثلاث وابنه عمه ايضا

يعيش فى السرايه معتز وزوجته سماح وأبنائهم
وعمر ايضا

فى مطبخ السرايه تستعد الحاجه سهام وزوجه ابنها مع باقى الخدم بتجهيز الفطور للجميع

سهام جهزتى البيض المقلى يا سماح و الفول كويس

سماح ايوا يا حاجه جهزتهم وودتهم على السفرة مع باقى الاكل

الحاجه سهام وانتى يا بت جهزتى القشطه والعسل الأبيض علشان الفطير المشلتت

الشغاله ايوا يا ست الحاجه كله تمام ووديت كل حاجه انا والست سماح على السفرة

ينزل الحاج ادهم من حجرته ويتوجه إلى السفرة المليئة من جميع خيرات الله ويجلس على كرسيه ويتبعه معتز وعمر ويجلس الجميع لتناول الإفطار

ادهم كيفكم يا ولاد واخبار الشغل ايه يا معتز يا ولدى

معتز الحمد لله يا حاج الشغل تمام ومفيش اى مشاكل نهائى

ادهم وانت يا حضرة الضابط عامل ايه فى شغلك يا ولدى

عمر الحمد لله يا حاج كله تمام

ادهم اخبار صلاح واسلام ايه مش ناوين يجيوا مع حاريمهم ويجعدوا كام يوم معانا اشتقتلهم اوى
والعيال الصغار وحشونى كتير

الحاجه سهام اه والله يا حاج وحشونى اوى والحاجه سهير برضه وحشانى اوى وهند والدكتورة ريهام

ادهم خلاص يا حاجه اتصلوا بيهم وخليهم يجوا يقعدوا كام يوم معانا محدش هايقولك لا طبعا

الحاجه سهام ماشى يا حاج هافطر واتصل عليهم

خلصوا فطارهم وشربوا الشاى وكل واحد راح على شغله

سماح طلعت تشوف عيالها

والام راحت علشان تتصل بأبنها صلاح واسلام

الام مسكت موبيليا وطلعت رقم صلاح واتصلت بيه

صلاح كان فى الشركه مع إسلام فى اوضته وقاعد معاه على المكتب بيتكلموا عن الشغل وعن المناقصات و الطلبات الجديده للشركه وعن سفر اسلام اللى قرب

صلاح موبيله رن وابتسم لما شاف رقم المتصل وقال لاسلام دى الحكومه بحالها بتتصل بيا

صلاح سلامو عليكو يا ست الكل يا حبيبتى

الام حبيب قلبى
ازيك يا صلاح يا ولدى وازى هند وعيالك وحشنى مۏت يا حبيبى ونفسى اشوفكم كتير

صلاح والله العظيم من ساعه ما صحيت وانتى فى بالى وكنت هاتصل عليكى وامبارح قولت لهند انكم وحشنى وكنت هاخلص مع إسلام كلام واتصل عليكى لانك فعلا وحشانى اقسم بالله يا امى

الام اخبار اسلام حبيب مرات عمه ايه هو والدكتورة ريهام وعيالهم

صلاح خدى هو معاكى اهو وهايقولك

صلاح أدى الموبيل لاسلام واسلام خده منه ورد على مرات عمه اللى بيحبها جدا وبيعتبرها زى امه بالضبط

اسلام روح قلبى يا حاجه والله انا الحمد لله كويس وريهام كويسه والاولاد بخير الحمد لله
اخبارك انتى ايه واخبار عمى الحاج ايه ومعتز وعمر

الام الحمد لله يا حبيبى كلهم نفسهم يشفوكوا

اسلام والله قريب اجيب صلاح وهند وريهام والعيال كلها ونيجى نقضى اسبوع بحاله معاكم بس اخلص الشغل اللى فى ايدى أن شاء الله ونيجى على طول

الام بجد يا اسلام ولا زى كل مرة تقولوا هانيجى ومش بتيجوا غير فى المناسبات

اسلام وعد منى والله يا حاجه قريب اوى هانيجى كلنا

الام ماشى يا اسلام سلملى على امك كتير وعلى مرتك

اسلام يوصل يا مرات عمى وسلميلى على كل اللى عندك

اسلام قفل الموبيل بتاع صلاح وكملوا شغلهم

جاسر كان وصل الشركه بعد ما قعد فطر مع أمه وكان طول الطريق بيفكر فى الحلم اللى بيحلمه على طول ومش بيروح خالص من باله
ولا ريحه البنت اللى بتكون معاه بتروح من منخيره مع انها فى الحلم بس بيصحى وكأنها كانت معاه وفى سريره
قطع تفكيرة رنة موبيله وفرح اوى لما شاف مين المتصل وكان شادى صاحبه

جاسر الندل اللى مش بيسأل ولا اطمن على وصولى لحد دلوقتى

شادى حبيب قلبى حمد الله على السلامه يا هندسه معلش عارف انها جت متأخرة بس انت عارف ظروفى وامى كانت تعبانه شويتين كده واتلخمت معاها والله سامحنى

جاسر الف سلامه عليها وسلم عليها لحد ما اروح ازورها بنفسى

شادى يوصل يا باشا
ده انا رايح على الشركه اهو اودامى عشر دقايق واوصل

جاسر ماشى يا عم يالا سلام بس ما بلغهوش أنه رايح هو كمان على الشركه وهايعملهاله مفاجاه

وصل جاسر الشركه بعد حوالى ساعه الا ربع لان الطريق كان زحمه شويه والكل كان بيرحب بيه بعد الشهر اللى قضاه فى اوربا

وصل للمكتب بتاعه ومدير مكتبه خد منه شنطته ورحب بيه وبدأ يقدمله كل الملفات اللى تخص الشركه فى الفترة اللى فاتت دى

جاسر المهندس شادى وصل ولا لسه ؟

محمود مدير مكتبه ايوا يا افندم وهو فى مكتبه من نصف ساعه

جاسر طيب لو سمحت يا محمود بلغه انى جيت وخليه يجيب كل الشغل المهم اللى عاوز امضتى

محمود حاضر يا جاسر بيه ثوانى وهابلغه

جاسر تمام

جاسر و شادى زمايل من أيام ثانويه عامه ودخلوا فى نفس الكليه مع بعض وبيحبه بعض جدا وشادى يعتبر دراع جاسر اليمين وبيعتبره بعض زى الاخوات بالضبط مش مجرد زماله دراسه

محمود اتصل بشادى وفرح جدا أن جاسر اخيرا وصل الشركه وقام وراح على مكتبه فورا وخد معاه كل الحاجات اللى طلبها جاسر

تواقعتكم فى القادم ايه

تابعونى على صفحتى روايات وقصص نوتيلا

بقلم // سحر فرج