ادم وندى

رجاله ايه خارجه ومش خارجه دي هيا الفكره في الخروج ولا الفكره انه ما ينفعش رجاله يشوفوكي بيه!!! كنتي بدأتي تتعدلي وفي اول فرصه رجعتي تاني للصفر ليه بس اكده يا ندي ليه !!! فين لبسك اللي اتعدل وفين الصلاه اللي اتعلمتيها نسيتي كله اكده بمجرد ما اتجابلتي مع اصحابك !! 
دول مش صعايده وهيفرق معاهم شكلي او هيبصولي بنظره مش كويسه 

ادم هز دماغه ان مفيش فايده فيها ابدا 
ادم الصعيدي ده عنده جيم ومبادئ متربي عليها ولو جعدتي وسطهم عريانه محدش فيهم
ندي جسمي مش مباح يا ادم ومش هنرجع بقي لخناقات زمان... انا مش هخرج بيه قدام رجالتك بره فبالتالي شكلك ومظهرك محفوظين وخلص الكلام علي كده 
ادم هز دماغه وعرف ان مفيش فايده هيا اتربت بطريقه وهو بطريقه تانيه خالص 
سابته وخرجت وهو راح مشواره وفكر ما يرجعش البيت اليوم ده بس رجع وقعد وسطهم ساكت بيسمع وبس وديفيد نظراته مش عجباه ابدا وكأنه بيتحداه او بيقوله ان ندي عمرها ما 
ديفيد ندي مقولتيش هنسافر امتي وهنخلص من طلاقك امتي 
ادم جمد للحظه بس تماسك بسرعه علشان ما يحسوش بيه انه فاهم لغتهم 
ندي ديف قولتلك هبقي ارد عليك 
ديفيد ما انتي ما ردتيش... احنا بقالنا اسبوع اهو.. انا مش عارف انتي مستحملاه ازاي اصلا وازاي قدرتي تعيشي في البلد دي اسبوع مش شهور كل حاجه هنا متخلفه وعقيمه 
ندي اوكي انا معاك البلد متخلفه وعقيمه وممله لدرجه المۏت بس كنت مضطره وڠصب عني 
ديفيد ودلوقتي اهو بقدملك الفرصه 
ندي هو مش هيمنعني علي فكره لو انا طلبت امشي هو انسان محترم جدا واحترم اتفاقيته معايا ونفذ كل حرف قاله فمش عايزه اتسرع وطالما هو كويس يبقي مالوش لازمه القلق والطريقه دي 
قام ادم وقف مره واحده لانه مش قادر يسمع اكتر من كده وكلهم بصوله باستغراب وصمت سيطر عليهم 
ادم ورايا مشوار مهم افتكرته اعتذري لاصحابك
بعد اذنك 
قام خرج بهيبه وكلهم قلبهم بيدق مع وقفته وخروجه وبعد ما خرج 
كريستينا انا بخاف منه وساعات كتير بحس انه فاهم او انه زي الۏحش اللي عامل نفسه نايم بس هو صاحي قوي انتي ازاي بتتعاملي معاه يا دي  
ادم اولا انا ما وعدتش ثانيا ماليش مكان وسطيهم ثالثا ورايا حاجات اهم 
ندي انت ايه اللي مضايقك كده 
كان نفسه ينفجر فيها وفعلا قرب منها وبيكز علي اسنانه وهينطق ومره واحده غير رأيه 
ادم مالوش لازمه الكلام اصلا.. جولي لاصحابك اللي مش عجباه بلدنا يتفضل احنا ما مسكينش في حد 
ندي باستغراب انت ليه بتقول كده 
ادم اتوتر للحظه علشان مش محتاجه مفهوميه جوي علشان تعرفي اللي جدامك بيتكلم عن ايه او بيشتم او بيشكر لما اشتمك او اغلط فيكي باي لغه من لغات الكون كله هتفهمي يا ندي مش محتاجه للغات هيا عن اذنك 
سابها ومشي وديفيد خرجلها بره 
ديفيد في ايه ماله 
ندي حس ان انت بتغلط في بلده وفيه 
ديفيد انا مش فاهم واحد بالغني ده ايه اللي مقعده في بلد زي دي وليه ما اتعلمش ليه ده متخلف 
ندي علشان عندي اخواته وعنده ثروه كان لازم يحافظ عليها ولازم يهتم باخواته 
ديفيد وايه المانع انه يعمل الاتنين مع بعض هو بس استسهل واختار الاسهل لانه غبي 
ندي ما تغلطش فيه لو سمحت وتعال ندخل جوه يالا 
ندي متقبلتش نقد حد لجوزها وحست انهم بيغلطوا فيها هيا... 
معدتش فاهمه هيا عايزه ايه ولا تعمل ايه بتحب ادم وهتقبل عيشته ولا عيشتها بره اهم سؤال مش عارفه تجاوب عليه نهائي ولا عارفه تاخد قرار ابدا 
كريمه ما استحملتش الوضع ده فسافرت لعيالها في القاهره وسابت ابنها لوحده يواجه مصيره لانها مش مستحمله وجودهم في بيتها بلبسهم واكلهم وشربهم 
في يوم ندي حنت للبسها القديم وللست فستان كت وقصير ويدوب خرجت من اوضتها 
ندي في ايه مالك بتعمل كده ليه 
ادم بعصبيه جسما بالله يا