اتجوزت 5 سنين ومخلفتش

نفسي كل البنات تعرف حكايتي
انا اتجوزت 5سنين ومخلفتش وجريت كتير عند الدكاترة
وقالولي مفيش أمل وعمري ما هخلف وف يوم جوزي قالي عوزين ننقل عشان ندهن الشقة ونجدد الديكور بتاعها بقي ممل قولتله هو شكله حلو قالي لا عوزين نجدده وشافلي سكن جنب بيت اهلي شقة ايجار جديد ونقل العفش كله وراح اتجوز ف شقتي لما عرفت الخبر جتلي صدمة كنت همووت من القهر قولتله ليه معرفتنيش الحقيقة انك عاوز تتجوز قالي كنت خاېف ع مشاعرك وانا عاوز اخلف قلتله انا افرحلك لما تخلف ده يوم منايا اني اشوفك متهني قالي اللي حصل حصل ومهما حصل او كان انتي عشرة عمري فاتت الايام وعديت وسمعت خبر ان مراته حامل جالي وقالي باركيلي انا هبقي اب قلتله بتمني من كل قلبي انه يكون طفل جميل زي باباه وعدت ايام وجه قالي انا اسف مش هقدر اكمل معاكي قولتله ليه قالي انا هكون اب وورايا مسؤوليات ومش هقدر اصرف ع بيتين قولتله خليني ع زمتك وملكش دعوة بمصاريفي هشتغل واصرف ع نفسي قالي مينفعش قلتله طب هخلي اهلي يصرفوا عليه وخليني ع زمتك انا بحبك متسبنيش قالي الحمل تقل عليا وطلقني بالتلاته رغم انه موظف ومرتبه كبير يفتح 4بيوت وطلعني من شقته الملك وساكني ف شقة ايجار اتاري كان ناوي من الاول انه يطلقني عشت اياااام سودة وقلت اتحكم عليا اني اعيش وحيدة وحتي حلم الامومة اتحرمت منه حتي الانسان اللي حبيته محبنيش وسابني وكسرني وكسر قلبي ربنا وحده اللي يعلم كانت حالتي ايه ومدمرة ازاي ومع الوقت بابا قدم لي ع وظيفة حكومية في البلد اللي احنا عايشين فيها بحكم المعارف لأن بنسكن بمنطقة ريفية والحمد لله قبلت فيها وابتديت أخرج واروح واجي وبعد فترة 8شهور اتعرفت علي زميل ليا فالشغل حكالي ع ظروفه وحكيتله ع ظروفي وحسيت منه بارتياح تجاهي حبيت اصارحه بكل ظروفي وقلتله انا مبخلفش صدمني وقالي انا بحبك وعاوز اتقدملك وقابل كل ظروفك مكنتش مصدقة نفسي وقلتله ازاي مسبقش لك الجواز قبل كده وتتجوزني وانا مطلقة وكمان عقيم قالي انا اتعلقت بيكي وميهمنيش اني أخلف قد ما يهمني اني اعيش معاكي واتجوزته وبعد 3شهور تعبت جامد ورحت اكشف الدكتور قالي مبروووك انتي حامل في شهرين مبقتش مصدقة نفسي بقيت اقول للدكتور ازاي طب اتأكد تاني معلش والدكتور مستغرب والله يا مدام حامل جريت من عند الدكتور لدكتور تاني وتالت عشان اتأكد مكنتش قادرة استوعب ولا أصدق سبحان الله والدكتور بردو اكدلي اني حامل أما عن كمية الفرحة اغمي عليا لما فقت بقيت اعيط واسجد لله شكرا وحمد لله ونعمة وفضل رزقني بوظيفة وزوج احن عليا من ابويا وامي بقت الناس بتباركلي رايحين جايين وانا مش بعمل حاجة غير اني بعيط من كرم ربنا سبحان الله ما ضاقت اللي ما فرجت اذا اتمتتي القراءة اعملي لايك إلهي يسعدك ومتابعة لصفحتي و علقي بعشر ١٠ ملصقات ليصلك كل جديد ويستفاد بها غيرك وجزاكم الله خيرا