قصة بنتى ومرات ابنى
المحتويات
نورا
طيب اعمل اى ولا اتصرف ازاى انا مش عارفه
اسماء
اوووف مش عارفه هنتنيل ازاى بقي انا هكلمه اهم حاجه ننزل نعمل كده ومحدش يحس بينا خالص عشان لو اتشك فينا مره واحده بس الموضوع كله هيتكشف
نورا
لا لا متقلقيش إن شاء الله محدش هيعرف حاجه ده لو حد عرف هنروح في ستين داهيه
اسماء
ايوه هنروح في ستين داهيه ف لازم نركز كده وعنينا تبقي في وسط راسنا فاهمه يا بت
فاهمه يا بنتي فاهمه يلا بقي هدخل انام وانتي كمان ادخلي نامي عشان نصحي الصبح بدري نروح بسرعه بقي نشوف مصالحنا وكمان عشان محدش يشوفنا الصبح
اسماء
ماشي ماشي يلا ادخلي بسرعه بقي
في الشغل
اسامه
استاذه ندي خلصت الشغل المطلوب
ندى
اااا اسامه ممكن تقعد
اسامه
اكيد حضرتك محتجاني في حاجه
ااا اه لا بص هقولك انا النهارده مخلصه شغلي وانت مخلص شغلك صح
اسامه
ايوه صح
ندي
يبقي نروح نتغدا سوا عشان مبحبش اكل لوحدي صح
اسامه
حضرتك تشتغلي معايا انا
ندى
اي انت دي هو انت قليل ولا اى متقللش من نفسك انت حاجه كبيره علفكره وشغلك حلو جدا وانت انسان كويس اوي اوي
اسامه
ندى بفرحه
كده مظبوط يلا بينا
وصلوا مكان الغدا
ندى
تاكل اى بقي
اسامه
انتي الي تاكلي اى
ندى
ااه فهمت بص انا هعزمك النهارده وانت ابقي اعزمنى بعدين اوكيه
اسامه
اتفقنا إذا كان كده اطلبيلنا حاجه علي ذوقك
ندى
اوكي اتفقنا
الاكل وصل
ندى
اى رأيك في ذوقي في الاكل بقي
خطېر مكنتش اعرف إن حضرتك شاطره اوي في اختيار الاكل كده
ندي
بص يا اسامه احنا بقينا صحاب بلاش الرسميه دي تاني اوكيه وآه يا سيدي ده اسمه فن اختيار الاكل
اسامه
عايز اعرف عنك حاجات كتير شكلك بنوته طيبه اى إلى يخليكى تمسكي شركه كبيره كده وتتعاملي بجديه كده
ندى
اوكيه هقولك بابا مش موجود اشتغلت من صغري بقيت بشتغل واذاكر مع إن المفروض طفله في سني كانت تعيش حياتها عادى لكن انا كنت بعاني حرفيا وعارفه يعني اى اجيب جنيه ف بقيت زي ما انت شايف كده
حلو اوى هقولك انا بقي يا ستي انا اسامه متجوز وعندي اخت علي وش جواز وامي ربنا يباركلي فيها يارب
ندى
ربنا يباركلك فيها امم مرتاح مع مراتك وكده
أسامه
طالع عيني والله بشتغل الشغلتين عشان اكفي مصاريفها ومش مكفيها برضو ادعيلي
ندى
ربنا يعينك
بعد شويه خلصوا اكل وروحوا بيوتهم
اسامه
السلام عليكم ورحمه الله وبركاته
وعليكم السلام ورحمه الله وبركاته
اسامه
رايحه فين يا نورا
نورا
داخله انام تصبح علي خير
أسامه
وانتي من اهل الخير
دخل اسامه واسماء اوضتهم
اسماء
اجهزلك الاكل
اسامه
لا اكلت برا مع مديره الشركه
اسماء
نعم!!! مع مين يا حبيبي ! يعني ماكلتش معايا عشان تاكل معاها ! وياترى بقي هتتجوزا امتى ها
أسامه
بقولك اى انا مش قادر اتكلم انا جاي تعبان ومقريف علي الآخر وانتي منكده عليا عيشتي واحده غيرك كانت تشيلني فوق جفون عيونها ده انا باجي اناملي اربع سعات بتنكدي عليا في ساعتين فيهم يا شيخه ده اى القرف ده
اسماء
قرف ! انا بقيت قرف ماشي يا اسامه وانا مش بيتالك فيها عشان مقرفكش
اسماء
نورا انا هنام عندك النهارده
نورا
طيب تعالى
تاني يوم الصبح
اسامه
نمتي بدري لي يا ماما
الحما
كنت تعبانه امبارح يبني ف نمت اتعشيت يبني
اسامه
آه يا ماما اتعشيت برا نورا واسماء برضو خرجوا
الحما
آه يبني بيجهزوا للافتتاح بقي ادعيلهم اه ومتنساش تيجي بدري عشان نكون جمبهم في الافتتاح
اسامه
إن شاء الله يا امي سلام ادعيلي
الحما
سلام يا حبيبي ربنا يعينك ويوقفلك ولاد الحلال ويبعد عنك ولاد الحړام يارب
في الشركه
اسامه
صباح الخير يا فندم
ندى
قولتلك بلاش الرسميه دي مبحبهاش
اسامه
صباح الخير يا ندى
ندى
ايوه كده صباح الفل ها مستعد للشغل
اسامه
ايوه هبدا حالا بس هستأذن حضرتك امشي بدري النهارده
متابعة القراءة
