جوزى وسلفى
المحتويات
بنوت بس انتو لما جيتو تطلبوها مني كنتو جايين وعارفين انها مش بنت صح ولا لا
إحسان
اه ياختي صح بسس......
وقطعها كرم وقال
خلااااص ياما خالتي ام نعمه عندها حق لازم ادفع مهر لنعمة ست البنات كلها
شادية بفرحة
انشالله تسلم ياكرم ده انت كلك رجوله والله يابني منحرمش منك
إحسان
طيب ياخويا ادفع مهر
وقروا فتحتي وكرم قالي
نعمة
اللي تشوفه ياكرم حدد الميعاد وقولي
كرم
انا ان كان عليا نفسي من دلوقتي بس هنصبر
إحسان
جرا ياكرم مش قادر تصبر ياواد ههههه
شاديه
ياخويا ان شاء الله قريب تجيب الماذون ونكتب الكتاب
ويوم الفرح حماتي قالت
طبعا احنا معملناش فرح يانعمه عشان انتي يعني
مش محتاجة فرح يلا اطلعي على شقتك وجوزك جاي وراكي تعالي ياكرم عايزاكي في موضوع
خير ياما في ايه
إحسان
ادخل ياواد اسمع اما اقولك انت من اولها كده تدبح للبت دي القطه أصل انا شايفاها كده واخده في نفسها قلم فما من اولها تعرفها مكانتها
كرم
حاضر ياما وبعدين انتي عارفة ابنك راجل ومش هخلي واحده ست تمشيني ياما
إحسان
جدع ياواد طول عمرك وراجل من ضهر راجل
وعدي يومين وانا في بيت كرم ومكنتش بنزل عند حماتي ولقيتها طالعه في يوم بتقولي
جرا ايه ياست نعمة هو انتي هتفضلي عامله فيها عروسة ولا ايه
نعمة
ليه بس ياحماتي ده انا لسه بقالي يومين متجوزه كرم يعنى اعتبر لسه عروسة
إحسان
بلا عروسة بلا بتاع ياختي هو احنا مش فاضيين للدلع ده ياست هانم انتي بعد كده تصحي من نومك تنزلي تحت تشوفي كل طلباتي انتي سامعة ولا لا
نعمه
حاضر ياحماتي هعمل كده بس يعني
ونزلت تحت وفضلت حماتي تشغلني في البيت طول النهار ورجع إبراهيم ابنها من بره وقالها
بقولك ايه ياما انا عايز اتجوز زي كرم
إحسان
تتجوز ايه يا ابراهيم دلوقتي هو احنا لسه فوقنا من جوازة اخوك كرم عشان تيجي تقولي عايز تتجوز
إبراهيم
الله وفيها ايه يامااا مانا هتجوز وهجبلك واحدة تخدمك وتشوف طلباتك زي نعمة مرات كرم ولا هي جات لعندي مبقاش فيه
حاضر يا ابراهيم لما اخوك كرم يرجع ابقي قوله وهو يروح معاك يخطبلك
ورجع كرم وانا كنت في شقتي ودخل عند امه وقالها
ها ياما اخبار البت نعمة ايه معاكي اوعي تكون عملت عوق معاكي ولا حاجة اطلع عين اللي جابوها
إحسان
لا البت الصراحة شاطرة ياكرم ومبطلتش شغل طول النهار
كرم
ماشي ياما انا طالع بقا اكل لقمة واريح قبل مانزل تاني
طيب ياحبيبي بقولك صحيح الواد إبراهيم أخوك عايز يتجوز وقاصدني اقولك انك تبقى تروح معاه تخطب البت اللي هو عايزاها
كرم
اخطبلة ايه هو عايز عروسة المولد ده عايز يتجوز يعنى مصاريف وهم واحنا لسه مفوقناش من الجوازة بتاعتي خليه يصبر شوية ياما الدنيا مش هتطير وبعدين البنات على قفا مين يشيل
إحسان
حاضر ياكرم اللي تشوفه اعمله
ورجع كرم وقالي
ها يانعمة عماله اكل ايه وريني كده انا راجع جعان وعايز اكل
نعمة
حاضر هجهزلك الاكل حالا
ودخلت المطبخ وطلعت الاكل
وكرم بياكل وقال
الاكل عادب ليه كده يانعمة ده مفيش فيه ملح خالص
نعمة
ازاى ياكرم ده الملح بتاعه مظبوط خالص اهو
كرم
انتي هتكدبيني ياروح امك بقولك مفيهوش ملح غوري من وشي هاتي الملح وتعالي ظبطي الاكل يلااا
نعمة پخوف
حاضر ياكرم هجبلك الملح بس براحة انت بتزعق ليه كده
كرم
انا ازعق براحتي ياروح امك اييييه مش عجبك
نعمة
لا مش عجبني يا كرم عشان انا معملتش حاجة عشان تزعقلي بالشكل ده هو انا خدامة عندك ولا ايه
كرم
اه انتي خدامه وكلمة زيادة هاقوم اجيبك من شعرك ايه رايك
نعمة
هو
متابعة القراءة
