حنين وعمار
المحتويات
عارف انك كنت حتموت وتمسها
يوسف مسك ايدين حنين الاتنبن مبروك يا روحي يااللي طلعتي روحي
أمير صفر صفارة ايه يا عم عايز تحبسنا احنا لسة في المشيخة خلي الكلام ده بعدين
يوسف هههههه وانت مالك انت ماتلمي جوزك يا ايمان
ايمان من تحت ضرسها معلش صاحبك بقي وانت عارفه
ايمان ماماليش ماانا متنيلة كويسة
أمبر طب افردي وشك احنا في فرح
ايمان ايوة الفرح اللي ماكنتش اعرف عنه حاجة الا من يومين
أمير
وحتفرق في ايه من يومين ولا شهرين
ايمان انا بصراحة مش مصدقة ان ده يوسف ايه الرومانسية دي وكل ده علشان مين علشان دي
ايمان انا مش عارفة عجبه فيها ايه
أمير لقي فيها اللي ملقهوش في كل الستات اللي عرفهم ويلا بقي خلينا نلحق نحصلهم
ايمان نحصلهم علي فين احنا مش حنروح بقي في اليوم ده
أمير لا يوسف عازمنا كلنا في مطعم علي النيل علشان حنين معملتش فرح وحنروح معاهم وكمان حنوصلهم الفيلا ولو مش عجبك خدي تاكسي وروحي انا مش حسيب صاحبي في يوم زي ده
كلهم قاعدين اخوات حنين وامرتاتهم واجوازهم وعيالهم وباباها ومامتها وشيرين اخت يوسف وجوزها وأمير ومراتوا
يوسف مبروك ياحبيبة قلبي
حنين الله يبارك فيك
يوسف مش كنتي خلتيني اعملك فرح واجبلك عمرو دياب يغني كمان
حنين ههههههههه لا ياعم كدة كويس وبعدين مش كفايه انا هاريني عمرو دياب كمان الناس حرام عليك
حنين تسمحيلي يوسف طلع من جيبه علبة قطيفة فيها خاتم سوليتر تحفة الكل اتهبل عليه واولهم حنين
يوسف طبعا يا روحي وانا عندي غيرك مسك يوسف ايد حنين وقلعها الجونتي ولبسها الخاتم
يوسف وهو بيهمس لحنين اول مرة متبعديش عني
حنين مكسوفة علشان خلاص بقيت مراتك
يوسف دي بس مؤقتا لحد ما نروح
أمير صفارة اعلي من الاولنيه ايه يا روميوا احنا قاعدين ماتهدي كدة وتسيب حاجة لما تروح
يوسف انت تاني انت بتطلعلي منين وبعدين انا مصدقت اصلا هههههههه
شيرين اخت يوسف راحت لحنين مبروك يا حنين مبروك يا يوسف متعرفيش انا فرحانة علشانكم ازاي اخيرا جو النساء اتجوز هههههههه
يوسف هو حد قالك انا جايبك من امريكا علشان تهدي النفوس
شيرين اعمل ايه اصلك اول مرة يطلع زوقك حلو كدة مقولكيش يا بنتي ده كان بيعرف ستات ولا بلاش احسن
حنين هههههههه لا ماهو قالي وبعدين خلاص ربنا تاب عليه ومتقلقيش انا حتوبه اكتر
شيرين ياربت اهو يبنوبك فيه ثواب
يوسف امشي يا بت ارجعي امريكا انا غلطان اني جبتك
شيرين خلاص ماشية بس استني اتفضلي يا حنين هديتك
حنين اخدت منها علبة كبيرة فتختها لقت فيها طقم كوليه واسورة وخاتم وحلق شيك جدا وغالي اوي
حنين ايه كل ده بس ده كتير اوي متشكرة اوي يا شيرين
شيرين مفيش حاجة تغلي علي مرات يوسف وبعدين انتي متعرفيش اليومين اللي انا قضتهم معاكي حبيتك ازاي
ايمان مالك عينك حتطلع هنا ك ليه
أمير مفيش ولا طالعة ولا حاجة
ايمان والله مش هي دي شيرين الحب الاول
أمير ولا حب ولا نيلةوحدة واتقدمتلها ورفضت فين الحب في كدة
ايمان ماشي عموما انا مش فايقالك دلوقتي خليني في اللي انا فيه سوليتير جايبلها خاتم سوليتير عيني عليا
أمير انتي هو انت فيه حاجة بتملي عينك واسكتي بقي بدل ما انكد عليكي قدام
الناس
وخلص العشا وراحوا كلهم يوصلوا يوسف وحنين لفيلتهم وقدام الفيلا حنين بتسلم علي ولادها وبتعيط
يوسف يا حبيبتي لو عايزة تخليهم يباتوا معانا من النهاردة مفيش مشكلة انا مش مضايق
حنين بدموع لا يا حبيبي احنا اتفقني حيقعودوا عند ماما اسبوعين
يوسف طيب متعيطيش متوجعيش قلبي مبقظرش اشوف دموعك
حنين خلاص مبعيطش انا اسفة
يوسف لا متتأسفيش ظي احلي حاجة فيكي احساسك وحنيتك دي يلا
متابعة القراءة
