رواية ممتعه للكاتبه ميرا اسماعيل
المحتويات
تعيش مع عبد الجبار بسبب بسيط يا ام مخ مش موجود اصلا بسبب احلامك دى هى قالت فلوسه دى اصلا حرام يبقي ازاى هتوافق تعيش بيها!
نظرت له بحزن
يعني هو أنا مش مكتوب عليا ابقي زى الناس !
مالهم الناس هو كلهم لازم يجروا ورا الفلوس
نظرت له پغضب
لا أنا مش بتكلم علي الفلوس! أنا بتكلم ام يبقي عندى اب وام!
تفهم حديثها ونظر لها بهدوء
ابتسمت له ونظرت له بعشق
فهمت بس كان نفسي
قاطعها بلين
ممكن يسأل عليكي من فترة للتانيه يشوفك كل كام يوم وهتعدى.
خلاص هقوله كدا طيب ما افكر اعرض علي ماما يمكن
وقبل أن تكمل حديثها نظرت نحو مكان بأعين جاحظه نظر نحو ما تنظر له
مفتاح امى مكانه يعني امى منزلتش
هب من مكانه وهى وقفت بهدوء
ازاى مصحيتش من الخبط دا كله ولا حست بينا
ابتسمت هى بخبث
لا تلاقيها حست بس استنت تسمع هقول إيه
ربط علي كتفها
طب يلا ادخلي وعرفيها قراراك
اؤمات وتحركت نحو الباب وهى تنادى عليها
ماما يا ست الكل قومي يا ماما خلاص انا مش هعمل حاجة أنت مش عيزاها !
يا ماما خلاص بقي بلاش تقل أنا هقول لبابا أن مش هعيش معاه خالص بس هبقي اشوفه كل فتره.
لم تلاقي منها اى رد
ماما !
نادت عليها بقلق واقتربت بهدوء وهى تمد يدها نحوها
ماما أنت سامعه أنا مش هروح مع بابا
وحركتها نحوها لتراها لا حول لها ولا قوة ظلت تنفي برأسها ونظرت لها ودموعها تنهمر منها
جلست أرضا وهى تحثها علي النهوض لتصرخ بصوت ملكوم
رحيم !
هب رحيم من مكانه ودلف مسرعا راي وسيلة تحاول أن تيقظ والدتها وهى لا تتحرك ولا تجيب عليها نظرت له وسيلة پجنون
رحيم ماما زعلانه مش راضيه ترد عليا خليها تقوم والنبي يا رحيم قولها مش انا مش هروح ومش هسيبها خالص
وسيلة قومي معايا
ظلت تهز والدتها ولا تستمع لم يقوله هو فهي تريد فقط ان تسمع صوتها وترى عينها وهى تنظر لها حتى لو نظرات ڠضب ها هو الانسان عندما يخسر شخص مهم في حياته يوافق علي رجوعه بأي شكل يتمنى أن يري منه اى شئ حتى لو اپشع تصرفاته يكفي فقط أنه هنا معنا في حياتنا.
وسيلة! اهدى اكيد غيبوبة سكر قومي معايا وهروح اجيب دكتورة من المستوصف بسرعه
أيوة يا رحيم صح السكر اكيد نامت من غير ما تاخد العلاج بسرعه يا رحيم والنبي
ساعدها واوقفها بهدوء وخرج مسرعا أخبر والدته التى دلفت بسرعه وضمت وسيلة بين احضانها وانتظروا الطبيب كان الدقيقة ضهر كامل بينما وسيلة كل ثانيه تقريبا تنادى عليها ووالده رحيم تربط علي كتفها بهدوء. وهى تدعو أن تكون بخير بالفعل وصلت الطبيبة وتم فحص وجيده ونظرت لهم الطبيبة بحزن
أنا اسفه يا جماعه بس دى حالة متوفيه
صړخت وسيلة وهى تحاول الوصول لها لتتحكم بها والده رحيم.
لااااااااااااااا ماما دى غيبوبة اكيد أنت مش فاهمه حاجة
نظر لها رحيم
اټوفت ازاى لا حول ولا قوه الا بالله.
ازمه قلبيه! البقاء لله يا جماعه
اسكتى أنت مش فاهمه حاجة ماما بس زعلانه شوية وهتقوم دلوقت.
نظرت نحوها الطبيبة لتري جرحها ېنزف!
أنت چرحك پينزف!
هرع اليها رحيم و حملها رغما عنها وخرج بها ودلف منزلهم والطبيبه خلفه لتري مدى تأثر جرحها من الحركات والصراخات المفاجئه.
ظلت تصرخ وسيلة وتحاول الفرار منهم لتقرر الطبيبة حقنها مادة مهدئة لتسقط في نوم عميق وبدأت الطبيبة في قطب جرحها مرة اخرى ورحلت بهدوء بعدما قدمت لهم واجب العزاء اتم رحيم الإجراءات وڼصب فراشه العزاء بينما بدأت النساء في التجمع وانتهى غسل وجيده لترحل إلي مثواها الاخير بهدوء بين دموع وصدمه الجميع فهى كانت ونعمه الجارة والصديقة لم يشتكي منها احد قط!
فاقت وسيلة وعلمت أن هذا واقع مرير حاولت معها والده رحيم أن تتكلم معهم أو تبكي حتى لكنها ظلت صامته تماما انتهى أول يوم في العزاء وصعد رحيم بعد انتهاء العزاء وكانت كما هى صامته تماما في أحضان والدته اقترب منها وهو قلبه ينفطر عليها وهو يراها هكذا
وسيلة!
رفعت عينها ونظرت له بحزن شطر قلبه نصفين جلس جوارها
اتكلمي يا وسيلة بلاش تتكلمي عيطي وانا هفضل سامعك ومش هلومك ولا اتكلم.
ماما راحت يا رحيم وسبتني!
اردفت بها بهمس موجع وارتمت بين أحضانه وهى تبكي بإنهيار
راحت يا رحيم! وسبتنى لوحدى
نفي حديثها
لا أنت مش لوحدك أنا موجود هفضل لآخر يوم في عمرك جنبك أنت مخلوقه منى يا وسيلة لا يمكن اسيبك لو فيها نهايتي .
ظلت تبكي وهى تردد أنها تريد والدتها فقط حتى غفت بين احضانه نظرت له والدته
حطها في سرير رحمه يا ابنى خليها ترتاح!
نظر لها
سبيها شوية يا امى معايا مين عارف هعرف اخدها في تاني ولا لاء
جلست جواره
مالك يا رحيم! ما هى معانا ومش ناوية تروح لابوها خلصنا تخلص السنه دى ونجوزكم وخلاص.
ابتسم پقهر
وهو عبد الجبار هيسيب بنته لينا ولا حتى هيوافق علي الجواز سبينى يا ام رحيم معاها شوية يمكن بكرة ملقهاش جنبي
اردف بحديثه بقلب موجوع وقهره بينما نظرت له والدته واستغفرت ربها وتركتهم ودلفت تجهز غرفه رحمه لاستقبال وسيلة.
بينما هو ينظر لها ويهمس
يا تري يا وسيلة هتتمسكي بيا! ولا بعبد الجبار عظيمه !
بينما ينظر عبد الجبار للمسكن التى تقطن به وسيلة پغضب حارق وانتصار
واخيرا وصلت لك يا وسيلة وكلها اسبوع وتبقي سبب أن اتم اكبر ثفقه في حياتي واتنقل بيها لفوق فوق قوى.
الثامن
دلفت رحمه علي اخيها نظر لها رحيم
أنت عايزة تنامي !
نفت برأسها
لا يا حبيبي أنا هقعد اذاكر بره طول اليوم مذكرتش خالص.
اؤما لها وخرجت وهى تحمل كتبها بين احضانها عاد هو بإنظاره لوسيلة وهمس لها
يا رب تخيبي ظنى يا وسيلة !
دلفت رحمه مسرعه عليه
رحيم الحق في حد بيخبط علي باب خالتى الله يرحمها بس بيخبط جامد.
قطب جبينه
معقول حد جاى يعزى
نفت حديثه
لا مفتكرش يا رحيم دا بيخبط جامد قوى
ترك يد وسيلة ووقف بهدوء كى لا يقلقها وخرج من الغرفه بعدما احكم غلق باب الغرفه عليها وخرج وفتح باب شقته ليري عبد الجبار أمامه لا يعلم لم انقبض قلبه هذه المرة عند رؤيته.
اسف لو صوت الخبط صاحك بس مستغرب وجيده عمر ما كان نومها تقيل
وسيلة عندنا !
اردف بها رحيم دون اطاله قطب الآخر جبينه
نعم عندكم وأنت مش واخد بالك
متابعة القراءة
